Qazaqstanda indet bastalǵaly beri jalǵan PTR-anyqtama jasaǵany úshin azamattardyń ústinen 28 qylmystyq is qozǵalǵan. Jalǵan vaktsina pasport ázirleý boiynsha eki qylmystyq is tirkelgen. Bul týraly ishki ister ministrligi Vlast saityna habarlady.
"11 maýsym kúngi aqparat boiynsha, tergeý bóliminiń óndirisinde jalǵan PTR-anyqtama, vaktsina pasportyn jasatý men paidalanýǵa qatysty 30 qylmystyq is qozǵalǵan. Onyń ishinde jalǵan qujat, shtamp, mór, blank jasaý, daiyndaý, ainalymǵa engizý boiynsha 10 is bar" dedi ministrliktiń baspasóz qyzmeti.
Vedomstvonyń habarlaýynsha, 2020 jyly 6 is qozǵalǵan, biyl 24 is ashylǵan. Eki is sotqa jiberilgen, 12-si toqtaǵan, 16 is óndiriste jatyr.
Mamyr aiynyń basynda densaýlyq saqtaý ministri Aleksei Tsoi Almatyda vaktsina almasa da, elektrondy pasportqa ie bolǵan adamnyń tergelip jatqanyn habarlaǵan. Ministrliktiń aqparatyna qaraǵanda, deldaldar birneshe klinikanyń atynan jalǵan vaktsina pasport jasap beremiz dep qyzmet usynǵan. Sol úshin 5-25 myń teńge talap etken.
Qazaqstanda koronavirýs juqtyrǵandar jarty millionǵa jýyqtady.
