قازاقستاندا ٸندەت باستالعالى بەرٸ جالعان پتر-انىقتاما جاساعانى ٷشٸن ازاماتتاردىڭ ٷستٸنەن 28 قىلمىستىق ٸس قوزعالعان. جالعان ۆاكتسينا پاسپورت ەزٸرلەۋ بويىنشا ەكٸ قىلمىستىق ٸس تٸركەلگەن. بۇل تۋرالى ٸشكٸ ٸستەر مينيسترلٸگٸ Vlast سايتىنا حابارلادى.
"11 ماۋسىم كٷنگٸ اقپارات بويىنشا, تەرگەۋ بٶلٸمٸنٸڭ ٶندٸرٸسٸندە جالعان پتر-انىقتاما, ۆاكتسينا پاسپورتىن جاساتۋ مەن پايدالانۋعا قاتىستى 30 قىلمىستىق ٸس قوزعالعان. ونىڭ ٸشٸندە جالعان قۇجات, شتامپ, مٶر, بلانك جاساۋ, دايىنداۋ, اينالىمعا ەنگٸزۋ بويىنشا 10 ٸس بار" دەدٸ مينيسترلٸكتٸڭ باسپاسٶز قىزمەتٸ.
ۆەدومستۆونىڭ حابارلاۋىنشا, 2020 جىلى 6 ٸس قوزعالعان, بيىل 24 ٸس اشىلعان. ەكٸ ٸس سوتقا جٸبەرٸلگەن, 12-سٸ توقتاعان, 16 ٸس ٶندٸرٸستە جاتىر.
مامىر ايىنىڭ باسىندا دەنساۋلىق ساقتاۋ مينيسترٸ الەكسەي تسوي الماتىدا ۆاكتسينا الماسا دا, ەلەكتروندى پاسپورتقا يە بولعان ادامنىڭ تەرگەلٸپ جاتقانىن حابارلاعان. مينيسترلٸكتٸڭ اقپاراتىنا قاراعاندا, دەلدالدار بٸرنەشە كلينيكانىڭ اتىنان جالعان ۆاكتسينا پاسپورت جاساپ بەرەمٸز دەپ قىزمەت ۇسىنعان. سول ٷشٸن 5-25 مىڭ تەڭگە تالاپ ەتكەن.
قازاقستاندا كوروناۆيرۋس جۇقتىرعاندار جارتى ميلليونعا جۋىقتادى.
