Jalǵan stomatologiialyq klinikalar arqyly BJZQ-dan 46 mlrd teńge urlaǵan kúdiktiler izdestirilýde

Foto: QR QMA

Qarjylyq monitoring agenttigi 46 mlrd teńgeden astam qarajatty BJZQ-dan zańsyz shyǵarý isine qatysy bar degen kúdikpen úsh azamatqa izdeý jariialady, dep habarlaidy Ult.kz.

🔹 Dúisenov Aslan Qambaruly, 01.04.1992 j.t.
🔹 Imanbaev Gabbas, 18.05.1998 j.t.
🔹 Eleshev Esimhan Baiandievich, 11.09.1987 j.t.

Tergeý dereginshe, olar jalǵan stomatologiialyq klinikalardyń atyn jamylyp, meditsinalyq qyzmet kórsetilgendei qujattar rásimdegen. Mańǵystaý jáne Atyraý oblystarynda tirkelgen 7 klinika is júzinde eshqandai qyzmet kórsetpegen.

Aiyptalýshylarǵa qatysty qamaýǵa alý túrindegi bultartpaý sharasy qoldanyldy. Belgili bolǵandai, kúdiktilerdiń biri — burynǵy politsiia qyzmetkeri Dúisenov Aslan. Ol 2016 jyly qyzmettik ókilettigin asyra paidalanyp, aýyr qylmys jasaǵany úshin 5 jylǵa bas bostandyǵynan aiyrylǵan.

QMA izdeýde júrgenderdiń qaida ekeni týraly aqparat bergen azamattarǵa syiaqy men anonimdilikke kepildik beriletinin habarlady.

Bailanys nómiri: +7 (7172) 70 84 78 (kezekshi bólim)
Call-center: 1458