Foto: Pexels.com
Almaty oblysynyń prokýratýrasy internet-alaiaqtyqpen kúresý maqsatynda iri onlain-platformalar (Krisha.kz, Kolesa.kz, OLX.kz) ókilderimen birlesip jumys atqarýda. Yntymaqtastyq týraly memorandým aiasynda úzdiksiz aqparat almasý jolǵa qoiyldy, dep habarlaidy Ult.kz.
Bul seriktestiktiń nátijesinde alaiaqtyq áreketter belgileri bar 5 myńnan astam akkaýnt buǵattalyp, taǵy 7 myń akkaýnt tekserilýde.
Alaiaqtar kóbinese Almaty qalasy men oblysynda páterlerdi táýliktik jalǵa berý, jyljymaityn múlikti satý, avtokólikterdi tómen baǵamen satý nemese shetelden avtokólik bólshekterin jetkizý taqyryptarynda áreket etken. Olar jalǵan fotosýretterdi paidalanyp, «bron» úshin aldyn ala tólem talap etýdi ádetke ainaldyrǵan.
Prokýratýra men marketpleisterdiń birlesken jumysy memlekettik organdar men jeke sektor arasyndaǵy tiimdi ózara is-qimyl algoritmin qalyptastyrýǵa múmkindik berdi.
Qazirgi ýaqytta oblys prokýratýrasy telekommýnikatsiialyq jáne qarjylyq uiymdardy qamtityn tsifrlyq ekojúieniń basqa da qatysýshylarymen yntymaqtastyqty keńeitý jumystaryn jalǵastyrýda.
Azamattardan onlain-satyp alýlar kezinde saq bolyp, tsifrlyq platformalardaǵy habarlandyrýlardyń shynaiylyǵyn mindetti túrde tekserý suralady.
