Pavlodar oblystyq ekonomikalyq tergeý departamenti salyq tóleýden jaltarý maqsatynda jalǵan zańdy tulǵalardyń atynan býhgalterlik qujattar jasaýdy júzege asyrǵan uiymdasqan qylmystyq topty áshkereledi, dep habarlaidy "Ult aqparat".
Vedomstvo málimetine qaraǵanda, 2019 jyldyń 27 maýsymynda saǵat 12:00 shamasynda ekinshi deńgeili bank filialynda jalǵan qurylǵan JShS shottarynan 7,5 mln teńge kóleminde qolma-qol aqsha qarajatyn alý kezinde «A» degen azamat ustalǵan. Sol kúni figýranttardyń turǵylyqty mekenjailary men keńse úijailaryn tintý kezinde 9 200 AQSh dollary, 20 mln teńgeden astam aqsha, 11 mór, zańdy tulǵalardyń 14 elektrondyq-tsifrlyq qoltańbalary, býhgalterlik qujattar jáne uiymdastyrý tehnikasy alyndy.
«Sotqa deiingi tergep-tekserý barysynda uiymdasqan qylmystyq toptyń 2015 jyldan bastap áreket etkendigi anyqtaldy. 23 jalǵan jaýapkershiligi shekteýli seriktestik qurylǵan. Búgingi tańda uiymdasqan qylmystyq topqa 32 adamnyń qatysy bar ekendigi belgili boldy. Úsheýi sot sanktsiiasymen qamaýǵa alyndy, bireýine halyqaralyq izdeý jariialandy. Jalǵan kásiporyndardyń kontragentteri jalpy somasy 5,1 mlrd teńgege salyq tóleýden jaltarǵan.
Bankterdegi shottardan jalpy somasy 4,1 mlrd teńgeniń kóleminde qolma-qol aqsha sheshilgen», - dep atap ótedi vedomstvodan.
Departamenttiń naqtylaýynsha, kúdiktilerdiń múlki tárkilenip, 12 jylǵa deiin bas bostandyqtarynan aiyrylýy múmkin. Qazirgi ýaqytta qylmystyq jolmen, onyń ishinde shetelde tabylǵan múlikterdi anyqtaý sharalary júzege asyrylyp jatyr.
