پاۆلودار وبلىستىق ەكونوميكالىق تەرگەۋ دەپارتامەنتٸ سالىق تٶلەۋدەن جالتارۋ ماقساتىندا جالعان زاڭدى تۇلعالاردىڭ اتىنان بۋحگالتەرلٸك قۇجاتتار جاساۋدى جٷزەگە اسىرعان ۇيىمداسقان قىلمىستىق توپتى ەشكەرەلەدٸ, دەپ حابارلايدى "ۇلت اقپارات".
ۆەدومستۆو مەلٸمەتٸنە قاراعاندا, 2019 جىلدىڭ 27 ماۋسىمىندا ساعات 12:00 شاماسىندا ەكٸنشٸ دەڭگەيلٸ بانك فيليالىندا جالعان قۇرىلعان جشس شوتتارىنان 7,5 ملن تەڭگە كٶلەمٸندە قولما-قول اقشا قاراجاتىن الۋ كەزٸندە «ا» دەگەن ازامات ۇستالعان. سول كٷنٸ فيگۋرانتتاردىڭ تۇرعىلىقتى مەكەنجايلارى مەن كەڭسە ٷيجايلارىن تٸنتۋ كەزٸندە 9 200 اقش دوللارى, 20 ملن تەڭگەدەن استام اقشا, 11 مٶر, زاڭدى تۇلعالاردىڭ 14 ەلەكتروندىق-تسيفرلىق قولتاڭبالارى, بۋحگالتەرلٸك قۇجاتتار جەنە ۇيىمداستىرۋ تەحنيكاسى الىندى.
«سوتقا دەيٸنگٸ تەرگەپ-تەكسەرۋ بارىسىندا ۇيىمداسقان قىلمىستىق توپتىڭ 2015 جىلدان باستاپ ەرەكەت ەتكەندٸگٸ انىقتالدى. 23 جالعان جاۋاپكەرشٸلٸگٸ شەكتەۋلٸ سەرٸكتەستٸك قۇرىلعان. بٷگٸنگٸ تاڭدا ۇيىمداسقان قىلمىستىق توپقا 32 ادامنىڭ قاتىسى بار ەكەندٸگٸ بەلگٸلٸ بولدى. ٷشەۋٸ سوت سانكتسيياسىمەن قاماۋعا الىندى, بٸرەۋٸنە حالىقارالىق ٸزدەۋ جارييالاندى. جالعان كەسٸپورىنداردىڭ كونتراگەنتتەرٸ جالپى سوماسى 5,1 ملرد تەڭگەگە سالىق تٶلەۋدەن جالتارعان.
بانكتەردەگٸ شوتتاردان جالپى سوماسى 4,1 ملرد تەڭگەنٸڭ كٶلەمٸندە قولما-قول اقشا شەشٸلگەن», - دەپ اتاپ ٶتەدٸ ۆەدومستۆودان.
دەپارتامەنتتٸڭ ناقتىلاۋىنشا, كٷدٸكتٸلەردٸڭ مٷلكٸ تەركٸلەنٸپ, 12 جىلعا دەيٸن باس بوستاندىقتارىنان ايىرىلۋى مٷمكٸن. قازٸرگٸ ۋاقىتتا قىلمىستىق جولمەن, ونىڭ ٸشٸندە شەتەلدە تابىلعان مٷلٸكتەردٸ انىقتاۋ شارالارى جٷزەگە اسىرىلىپ جاتىر.
