Biyl qoldan jasalǵan 237 aqsha belgisin anyqtaldy, dep habarlaidy "Ult aqparat" Ulttyq banktiń baspasóz qyzmetine silteme jasap.
2021 jyldyń qańtar-naýryz ailary aralyǵynda Ulttyq Bank pen ekinshi deńgeidegi bankter 760 950 teńgege qoldan jasalǵan 237 aqsha belgisin (236 banknot jáne 1 moneta) anyqtady. Ótken jylmen salystyrsaq, byltyr osy kezeńde qoldan jasalǵan 226 banknot tabylǵan bolatyn.
Jalpy kólemnen alyp qaraǵanda, osy jyldyń birinshi toqsanynda qoldan kóp jasalǵan aqshalar – nominaly 2 000 jáne 5 000 teńgelik banknottar boldy – 65% jáne 23%, basqa banknottar men monetalardyń úlesi – 12%.
Jalǵan banknottardyń kóp bóligi – Almatyda (169), az bóligi – Qyzylorda (2) men Jambyl oblystarynda (2) anyqtaldy.
Banknottyń túp nusqasyn jalǵan aqshadan ajyratý úshin onyń birneshe belgisin bilý jetkilikti.
Eldegi jalǵan banknottardyń negizgi bóligi jeńil tehnologiiamen jasalady, olar túpnusqadaǵy negizgi belgilerdi tek imitatsiialaýmen ǵana shekteledi. Iaǵni, arnaiy jabdyqsyz-aq jalǵan banknottardy qolmen ustap, muqiiat qarap ta anyqtaýǵa bolady.
Túpnusqa banknottyń birneshe airyqsha belgisi bar.
Birinshiden, ol ózine tán erekshe shytyrlaidy, ekinshiden – arnaiy relefi bar. Sonymen qatar barlyq banknotta kórý qabileti nashar adamdar úshin saýsaq ushymen ajyratýǵa bolatyn belgiler bar. 1000, 2000, 5000, 10000 jáne 20000 teńgelik banknottarda tús ózgertetin boiaýmen jaǵylǵan beineler bar. Kólbeý buryshyn ózgertken kezde órnek túsi jasyldan altynǵa ózgeredi. Sonymen birge jaryqqa tosyp qaraǵan kezde jazýy bar tutas jip retinde anyq kórinetin, jazýy bar pýnktir túrindegi tutas magnitti jáne úzik-úzik jipke nazar aýdarǵan jón.
Banknottardyń osy bir erekshelikteri arnaiy jabdyqty paidalanbai-aq túpnusqany lezde kózben qarap, tekserip shyǵýǵa múmkindik beredi.
