بيىل قولدان جاسالعان 237 اقشا بەلگٸسٸن انىقتالدى, دەپ حابارلايدى "ۇلت اقپارات" ۇلتتىق بانكتٸڭ باسپاسٶز قىزمەتٸنە سٸلتەمە جاساپ.
2021 جىلدىڭ قاڭتار-ناۋرىز ايلارى ارالىعىندا ۇلتتىق بانك پەن ەكٸنشٸ دەڭگەيدەگٸ بانكتەر 760 950 تەڭگەگە قولدان جاسالعان 237 اقشا بەلگٸسٸن (236 بانكنوت جەنە 1 مونەتا) انىقتادى. ٶتكەن جىلمەن سالىستىرساق, بىلتىر وسى كەزەڭدە قولدان جاسالعان 226 بانكنوت تابىلعان بولاتىن.
جالپى كٶلەمنەن الىپ قاراعاندا, وسى جىلدىڭ بٸرٸنشٸ توقسانىندا قولدان كٶپ جاسالعان اقشالار – نومينالى 2 000 جەنە 5 000 تەڭگەلٸك بانكنوتتار بولدى – 65% جەنە 23%, باسقا بانكنوتتار مەن مونەتالاردىڭ ٷلەسٸ – 12%.
جالعان بانكنوتتاردىڭ كٶپ بٶلٸگٸ – الماتىدا (169), از بٶلٸگٸ – قىزىلوردا (2) مەن جامبىل وبلىستارىندا (2) انىقتالدى.
بانكنوتتىڭ تٷپ نۇسقاسىن جالعان اقشادان اجىراتۋ ٷشٸن ونىڭ بٸرنەشە بەلگٸسٸن بٸلۋ جەتكٸلٸكتٸ.
ەلدەگٸ جالعان بانكنوتتاردىڭ نەگٸزگٸ بٶلٸگٸ جەڭٸل تەحنولوگييامەن جاسالادى, ولار تٷپنۇسقاداعى نەگٸزگٸ بەلگٸلەردٸ تەك يميتاتسييالاۋمەن عانا شەكتەلەدٸ. ياعني, ارنايى جابدىقسىز-اق جالعان بانكنوتتاردى قولمەن ۇستاپ, مۇقييات قاراپ تا انىقتاۋعا بولادى.
تٷپنۇسقا بانكنوتتىڭ بٸرنەشە ايرىقشا بەلگٸسٸ بار.
بٸرٸنشٸدەن, ول ٶزٸنە تەن ەرەكشە شىتىرلايدى, ەكٸنشٸدەن – ارنايى رەلەفٸ بار. سونىمەن قاتار بارلىق بانكنوتتا كٶرۋ قابٸلەتٸ ناشار ادامدار ٷشٸن ساۋساق ۇشىمەن اجىراتۋعا بولاتىن بەلگٸلەر بار. 1000, 2000, 5000, 10000 جەنە 20000 تەڭگەلٸك بانكنوتتاردا تٷس ٶزگەرتەتٸن بوياۋمەن جاعىلعان بەينەلەر بار. كٶلبەۋ بۇرىشىن ٶزگەرتكەن كەزدە ٶرنەك تٷسٸ جاسىلدان التىنعا ٶزگەرەدٸ. سونىمەن بٸرگە جارىققا توسىپ قاراعان كەزدە جازۋى بار تۇتاس جٸپ رەتٸندە انىق كٶرٸنەتٸن, جازۋى بار پۋنكتير تٷرٸندەگٸ تۇتاس ماگنيتتٸ جەنە ٷزٸك-ٷزٸك جٸپكە نازار اۋدارعان جٶن.
بانكنوتتاردىڭ وسى بٸر ەرەكشەلٸكتەرٸ ارنايى جابدىقتى پايدالانباي-اق تٷپنۇسقانى لەزدە كٶزبەن قاراپ, تەكسەرٸپ شىعۋعا مٷمكٸندٸك بەرەدٸ.
