Iri jalǵa berýshiler jaldaý tólemin estepteýdi toqtata turýlary qajet. Bul týraly «Atameken» UKP basqarmasy tóraǵasynyń orynbasary Oljas Ordabaev aitty, dep habarlaidy QazAqparat.
«Qazirgi ýaqytta biznes tap bolyp otyrǵan barlyq problemalardy barynsha jedel ári naqty qadaǵalaýǵa tyrysyp jatyrmyz. Búginde 6 myńnan astam kásipker búgindi, koll-ortalyq jumys istep tur. Onlain-saýalnama iske qostyq. Bizge júgingen kásipkerlerdiń jartysy Nur-Sultan men Almaty qalasynan. Sebebi negizgi biznes dál osy qalalarǵa shoǵyrlanǵan. Júginýshilerdiń 85 paiyzyn mikro jáne shaǵyn biznes ókilderi quraidy. Máselen, qyzmet kórsetý salasy, týristik operatorlar. Firmalar da qiyndyqty bastan keshirýde. Olardy da problemasy jetkilikti bolǵanymen birtindep sheship jatyrmyz», - dedi ol onlain brifing barysynda.
Onyń atap ótýinshe, júgingen kásipkerlerdiń 55 paiyzy tólem mindettemelerine, onyń ishinde úi-jaidy jaldaý máselesine qatysty túitkilderdi kótergen.
«Dúisenbiden bastap bizdiń óńirlik palatalardyń bazasynda ákimdiktermen birge jalǵa alýshy men jalǵa berýshiler arasyndaǵy qarym-qatynasty retteý úshin shtab quramyz. Bul kásipkerlik qyzmettiń eki bólek sýbektisi ekendigin túsinemiz. Degenmen, jalǵa alýshylardy qiyn jaǵdaidan shyǵýǵa kómektesýge tyrysamyz. Barlyq saýda oiyn-saýyq ortalyqtaryndaǵy, biznes ortalyqtardaǵy iri jalǵa berýshilerdi indet, karantin kezinde jaldaý tólemin estepteýdi toqtata turýǵa shaqyramyz. Jalǵa berýshilerdiń salyq pen nesiemen bailanysty mindettemeleri bar ekendigin de túsinemiz. Qazirgi ýaqytta bankter ósimpuldar men aiyppuldardy esepteýin, tótenshe jaǵdai kezinde nesie mindettemesi boiynsha tólemderdi toqtatady», - dedi Oljas Ordabaev.
