Jumys berýshisi jalaqysynyń 50 paiyzyn ǵana tólep otyrǵan qyzmetkerler 42 500 teńgege ótinim bere almaidy. Bul týraly Ortalyq kommýnikatsiialar qyzmetindegi brifingide QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy "Ult aqparat".
Brifing barysynda BAQ ókilderi ministrden «jumys berýshisi jalaqysynyń 50 paiyzyn ǵana tólep otyrǵan qyzmetkerler 42 500 teńgege ótinim bere ala ma?» dep suraǵan edi.
«Bul 42 500 teńge áleýmettik tólem jalaqysynan aiyrylǵandarǵa ǵana beriledi. Sondyqtan jalaqy mólsheri tómendegen jaǵdaida áleýmettik tólem berilmeidi. Iaǵni, birde-bir tiyn tólenbeitin aqysyz demalysqa jiberilgen jaǵdaida ǵana 42 500 teńge alýǵa quqyǵyńyz bolady jáne ótinish bere alasyzdar», - dep jaýap berdi ministr.
Sonymen qatar, ol áleýmettik tólemdi zańsyz alǵandar qarajatty qashan qaitarýy kerekitigin de atap ótti.
«Qai ýaqytta qaitarǵyńyz kelse, sol ýaqytta qaitara alasyzdar. Onyń merzimi de, qaitarý tártibi de joq. Eger siz qateleskenińizdi kórip turyp qaitaramyn deseńiz, ony jaǵdaiyńyz kelgen kezde qaitaryńyz. Qaitarmaimyn deseńiz, qaitarmaisyz», - dedi Birjan Nurymbetov.
