Jambyl oblysynyń ákimdiginde Berdibek Saparbaevtyń tóraǵalyǵymen ótken keńeste «Taraz» áleýmettik-kásipkerlik korporatsiiasy» AQ-nyń qyzmeti qaraldy. Bul týraly óńir ákimdiginiń resmi saity habarlady.
«Taraz» ÁKK Basqarma tóraǵasy Núrken Shárbievtiń aitýynsha, korporatsiia óz qyzmetin negizgi úsh baǵyt boiynsha júrgizedi. Ol - perspektivaly jáne básekege qabiletti investitsiialyq jobalardy iske asyrý, oblysy turǵyndarynyń ál-aýqatyn arttyrý jáne óńirlik azyq-túlik qaýipsizdigin qamtamasyz etý baǵyttary. ÁKK qurylǵannan beri 44 milliard teńgeden astam qarjyny quraityn 69 joba júzege asyrylǵan.
Búginde óńirde azyq-túlik qaýipsizdigin qamtamasyz etý maqsatynda turaqtandyrý qory jumys isteidi. Onda un, kúrish, qaraqumyq, qant, sábiz, piiaz, ósimdik maiy, jumyrtqa jáne ózge de osy sekildi ónimder saqtalýda. Qordaǵy bul ónimder iri saýda núktelerinen basqa kommýnaldyq bazarlar men áleýmettik dúńgirshekterde de satylýda.
«ÁKK qyzmeti óńirdiń áleýmettik-ekonomikalyq damýy úshin erekshe mańyzǵa ie. Sondyqtan ol tiimdi jáne nátijeli uiymdastyrylýy tiis. Ókinishke orai, ondai qarqyn baiqalmaidy», - dep atap ótti oblys ákimi.
Sondai-aq, B.Saparbaev korporatsiia oryn alyp jatqan ekonomikalyq úderister men syn-qaterlerge, naryqtyq qatynastardyń aǵymyna jáne tutynýshylyq qajettilikterge naqyt jaýap berýde belsendilik tanyta almai otyrǵandyǵyna nazar aýdartty. Óńirge investitsiia tartý, biznes-bastamalardy qoldaý boiynsha da tiisti jumystardyń álsizdigine kóńil bóldi.
«Siz aýyl turǵyndarynyń turmystyq tabysyn arttyrý jónindegi pilottyq jobany uiymdastyrýshylardyń biri bolyp tabylasyz. Úkimet bul maqsatqa tiisti qarajatty bóldi. Alaida, aýyldyqtar osy aqshany tez jáne tiimdi igerý isinde sizderdiń taraptan tiisti kómek oidaǵydai kórsetilmegen. Júktelgen mindetti qyzmetkerlerińiz sońǵy ýaqytqa deiin irkilispen áreń oryndady», - dedi B. Saparbaev korporatsiia basshylyǵynyń jumysyn synǵa alyp.
Óńir basshysy basqa da baǵyttar boiynsha jumystardyń júiesizdigin alǵa tartty. Atap aitqanda, ÁKK basshylyǵy tarapynan turaqtandyrý qorynyń ónimderin satýda tiisti baqylaýdyń joqtyǵyn, áleýmettik pavilondardyń jumysy durys jolǵa qoiylmaǵandyǵyn, olardyń kópshiligi demalys kúnderi jabyq turatyndyǵyn basa aitty.
Basqosýda oblys ákiminiń orynbasary Nurjan Kalenderovke «Taraz «ÁKK« AQ Direktorlar keńesiniń tóraǵasy retinde salalyq vedomstvonyń 2019 jylǵy qarjy-sharýashylyq qyzmetine taldaý jasaý, onyń qurylymy men shtattyq kestesin qaita qaraý tapsyryldy.
«ÁKK-niń shtattyq sany 60 adamdy quraidy. Jalaqylary qomaqty. Alaida, olar oǵan sai jumys istep otyr dep aita almaimyz. Departamentter arasyndaǵy ózara qarym-qatynasty naqty úilestirý joq», - dep túiindedi B. Saparbaev.
