Qyzylorda oblysy Jalaǵash aýdanynda ekpindei soqqan jeldiń saldarynan turǵyn úi, mekeme ǵimarattary men elektr baǵanasynyń qulaý deregi tirkeldi, dep habarlaidy "Ult aqparat".
Qyzylorda oblysy tótenshe jaǵdailar departamentiniń habarlaýynsha, maýsym aiynda Jalaǵash aýdanynda tabiǵattyń qolaisyz aýa-raiy turǵyndardy ábigerge saldy. Surapyl jel jeke turǵyn úiler men mekeme ǵimarattarynyń shatyrlary ushyryp ketti. Sondai-aq, elektr baǵanasynyń qulaý oqiǵasy da tirkelgen.
«Sońǵy jyldarda Jalaǵash aýdanynda qatty jel men daýyl sekildi qolaisyz aýa-raiynan mekemeler men turǵyn úilerge birshama shyǵyn keldi. 2017 jyly 2 márte turǵyn úiler men mekeme shatyrlarynyń ushýy oryn aldy. Sondyqtan turǵyn úiler jáne áleýmettik-mádeni obektilerdiń qurylys jáne montajdaý jumystar sapasyna basa nazar aýdarylýy tiis. Olardyń sapasynyń nasharlyǵy jáne montajdaý jumystar kezinde arzan ári syn kótermeitin materialdardy qoldanýdyń sońy osyndai olqylyqqa alyp keledi», - dep málim etti Jalaǵash aýdanynyń tótenshe jaǵdailar bóliminiń mamandary.
