Joǵarǵy sot tóraǵasy Jaqyp Asanov sýdialardy ishinde daýy joq materialdardy qaraýdan bosatýdy usyndy. Onyń aitýynsha, sottaǵy isterdiń 70%-da eshqandai janjal joq, al olar sýdialardyń ýaqyty men kúsh-qýatyn alady, dep habarlaidy Baq.kz tilshisi.
«Sýdialardy ishinde daý-damai men janjaldary bar isterge jumyldyrý kerek. Al qazir sot isteriniń 70%-da eshqandai daý joq... 2016 jyly sottar 1,7 mln is pen material, 2017 jyly 2,7 mln is qaraǵan. Al biylǵy jyly ister sany 3,8 mln-ǵa deiin artpaq. Salmaq negizinen qalalyq jəne aýdandyq sot sýdialaryna túsedi. Shtat boiynsha olardyń sany 2100 bolýy tiis, biraq fakt boiynsha – 1800», - dedi Asanov «Qazaqstan men EYDU ederinde investitsiialyq jəne kommertsiialyq daýlardy sheshý mehanizmderi» halyqaralyq konferentsiiasynda.
Sonymen qatar, Joǵarǵy sot tóraǵasy kommýnaldyq daýlardy sýdialarda emes, notariýstarda qaraýdy usyndy.
Jaqyp Asanov sóz sońynda Joǵarǵy sot Úkimetpen birigip júzege asyratyn bes pýnktini atap berdi.
«Birinshiden, sottardy ishinde daý-damai men janjaly bar isterge jumyldyrý. Ekinshiden, tatýlasý jolyn tiimdi paidalana otyryp, qoǵamdaǵy daýly jaǵdaidy tómendetý. Úshinshiden, EYDU elderi siiaqty memlekettik sektor servisiniń sapasyn jaqsartý úshin əkimshilik ədilet júiesin engizý. Tórtinshiden, sýdianyń ər daýdy tolyq zerttep, ədil sheshim qabyldaýy úshin oǵan protsessýaldy belsendilik quqyǵyn berý kerek», - dep túiindedi Jaqyp Asanov.
