جوعارعى سوت تٶراعاسى جاقىپ اسانوۆ سۋديالاردى ٸشٸندە داۋى جوق ماتەريالداردى قاراۋدان بوساتۋدى ۇسىندى. ونىڭ ايتۋىنشا, سوتتاعى ٸستەردٸڭ 70%-دا ەشقانداي جانجال جوق, ال ولار سۋديالاردىڭ ۋاقىتى مەن كٷش-قۋاتىن الادى, دەپ حابارلايدى Baq.kz تٸلشٸسٸ.
«سۋديالاردى ٸشٸندە داۋ-داماي مەن جانجالدارى بار ٸستەرگە جۇمىلدىرۋ كەرەك. ال قازٸر سوت ٸستەرٸنٸڭ 70%-دا ەشقانداي داۋ جوق... 2016 جىلى سوتتار 1,7 ملن ٸس پەن ماتەريال, 2017 جىلى 2,7 ملن ٸس قاراعان. ال بيىلعى جىلى ٸستەر سانى 3,8 ملن-عا دەيٸن ارتپاق. سالماق نەگٸزٸنەن قالالىق جəنە اۋداندىق سوت سۋديالارىنا تٷسەدٸ. شتات بويىنشا ولاردىڭ سانى 2100 بولۋى تيٸس, بٸراق فاكت بويىنشا – 1800», - دەدٸ اسانوۆ «قازاقستان مەن ەىدۇ ەدەرٸندە ينۆەستيتسييالىق جəنە كوممەرتسييالىق داۋلاردى شەشۋ مەحانيزمدەرٸ» حالىقارالىق كونفەرەنتسيياسىندا.
سونىمەن قاتار, جوعارعى سوت تٶراعاسى كوممۋنالدىق داۋلاردى سۋديالاردا ەمەس, نوتاريۋستاردا قاراۋدى ۇسىندى.
جاقىپ اسانوۆ سٶز سوڭىندا جوعارعى سوت ٷكٸمەتپەن بٸرٸگٸپ جٷزەگە اسىراتىن بەس پۋنكتٸنٸ اتاپ بەردٸ.
«بٸرٸنشٸدەن, سوتتاردى ٸشٸندە داۋ-داماي مەن جانجالى بار ٸستەرگە جۇمىلدىرۋ. ەكٸنشٸدەن, تاتۋلاسۋ جولىن تيٸمدٸ پايدالانا وتىرىپ, قوعامداعى داۋلى جاعدايدى تٶمەندەتۋ. ٷشٸنشٸدەن, ەىدۇ ەلدەرٸ سيياقتى مەملەكەتتٸك سەكتور سەرۆيسٸنٸڭ ساپاسىن جاقسارتۋ ٷشٸن əكٸمشٸلٸك əدٸلەت جٷيەسٸن ەنگٸزۋ. تٶرتٸنشٸدەن, سۋديانىڭ əر داۋدى تولىق زەرتتەپ, əدٸل شەشٸم قابىلداۋى ٷشٸن وعان پروتسەسسۋالدى بەلسەندٸلٸك قۇقىعىن بەرۋ كەرەك», - دەپ تٷيٸندەدٸ جاقىپ اسانوۆ.
