Nur-Sultan qalasynyń ákimi Altai Kólginov eordalyqtardy qonaqqa jáne otbasylyq meiramdarǵa barýdan bas tartýdy ótindi, dep habarlaidy "Ult aqparat".
«Qonaqqa barýdan jáne otbasylyq mereitoilardan, sonymen qatar adamdardyń kóptep toptalyp jinalýynan bas tarta turý qajet. Táýekel áli de bar. Saqtyq sharalaryn saqtai otyryp, siz ózińizdi jáne jaqyndaryńyzdy qaýipsizdendiresizder. Qalada otbasylyq indet oshaqtary tirkeldi. Bir adam otbasynyń búkil múshelerine - qart ata-anasyna, balalaryna, jubaiyna juqtyryp aldy. Qalada infektsiianyń taralýyna jol bermeý maqsatynda zalalsyzdandyrý jumystaryn turaqty júrgizemiz», - dep jazdy Altai Kólginov Instagram paraqshasynda.
Onyń atap ótýinshe, emhanalar men aýrýhanalar aýmaǵynda zalalsyzdadyrý tonnelderi men teplovizorlardyń sany artyrylatyn bolady.
«Ókinishke orai indet juqtyrǵandardyń barlyǵy birdei meditsina qyzmetkerleriniń nusqaýlaryn saqtai bermeidi. Buǵan qosa, olar ózdiginen emdeýmen ailanysyp, meditsinalyq kómekke der ýaqytynda júginbeidi. Qalai bolǵanda da COVID-19-dyń aǵza úshin aýyr saldaryn baǵalamaýǵa bolmaidy. Qala turǵyndarynyń sanitarlyq normalardy saqtamaýy ári elemeýi búkil qala aýmaǵyn sharpityn indettiń taralýyna alyp kelýi múmkin. Buǵan jol berýge bolmaidy. Olai bolmaǵan jaǵdaida qatań karantin rejimine oralýǵa májbúr bolamyz», - dedi elorda ákimi.
Eske salsaq, Elorda ákimi Altai Kólginov buǵan deiin de qala turǵyndaryna birneshe márte úndeý jasaǵan edi.
