Jaqynda ǵana ekologiia, geologiia jáne tabiǵi resýrstar ministri bolyp taǵaiyndalǵan Serikqali Brekeshev májiliste zań jobasyn talqylaý kezinde depýtattyń saýalyna qazaq tilinde jaýap bere almady dep habarlaidy KAZ.NUR.KZ.
Bul suraqty depýtat Janarbek Áshimjan qoidy.
Ol bizdiń respýblikamyzda Kaspii teńiziniń biologiialyq resýrstaryn zertteý úshin qandai uiymdar zertteýler júrgizip jatqanyn jáne mundai zertteýlerdi qarjylandyrý qalai júrgiziletinin surady.
"Kaspii teńiziniń florasy men faýnasyn zertteý boiynsha basqa memlekettermen birlesken jobalar men baǵdarlamalar bar ma? Eger bolsa, qandai? Suraqqa memlekettik tilde jaýap berýińizdi ótinemin", - dedi májilismen.
Alaida Serikqali Brekeshev memlekettik tilde jaýap berý qiynǵa soǵatynyn aityp, cózin orys tilinde jalǵastyrdy.
"Memlekettik tilde jaýap berýge kishkene qinalamyn. Qazaq tilin bilmegendikten emes, óz oiymdy tolyq jetkizý úshin orys tilinde jaýap bereiin", - dedi ministr.
Al Nurlan Nyǵmatýlin ekologiia ministri Serikqali Brekeshevke eskertý jasady.
"Siz bizge birinshi ret kelip otyrsyz, depýtattyń qoiǵan suraǵy da úlken kúrdeli másele. Siz parlamentke kelip otyrsyz. Sol sebepti keleside qazaq tilinde qoiylǵan saýalǵa qazaq tilinde jaýap berýińiz qajet. Shetelde oqydyńyz, aǵylshyn tilin bilesiz. Endi týǵan elde júrsiz, oǵan qosa ministrsiz, sol sebepti qazaq tilinde sóileý qajet. Kelistik pe?", - dedi Májilis tóraǵasy.
Buǵan ekologiia ministri: "Jaraidy, túsinikti" dep qysqasha jaýap qaiyrdy.
