جاقىندا عانا ەكولوگييا, گەولوگييا جەنە تابيعي رەسۋرستار مينيسترٸ بولىپ تاعايىندالعان سەرٸكقالي برەكەشەۆ مەجٸلٸستە زاڭ جوباسىن تالقىلاۋ كەزٸندە دەپۋتاتتىڭ ساۋالىنا قازاق تٸلٸندە جاۋاپ بەرە المادى دەپ حابارلايدى KAZ.NUR.KZ.
بۇل سۇراقتى دەپۋتات جاناربەك ەشٸمجان قويدى.
ول بٸزدٸڭ رەسپۋبليكامىزدا كاسپيي تەڭٸزٸنٸڭ بيولوگييالىق رەسۋرستارىن زەرتتەۋ ٷشٸن قانداي ۇيىمدار زەرتتەۋلەر جٷرگٸزٸپ جاتقانىن جەنە مۇنداي زەرتتەۋلەردٸ قارجىلاندىرۋ قالاي جٷرگٸزٸلەتٸنٸن سۇرادى.
"كاسپيي تەڭٸزٸنٸڭ فلوراسى مەن فاۋناسىن زەرتتەۋ بويىنشا باسقا مەملەكەتتەرمەن بٸرلەسكەن جوبالار مەن باعدارلامالار بار ما? ەگەر بولسا, قانداي? سۇراققا مەملەكەتتٸك تٸلدە جاۋاپ بەرۋٸڭٸزدٸ ٶتٸنەمٸن", - دەدٸ مەجٸلٸسمەن.
الايدا سەرٸكقالي برەكەشەۆ مەملەكەتتٸك تٸلدە جاۋاپ بەرۋ قيىنعا سوعاتىنىن ايتىپ, cٶزٸن ورىس تٸلٸندە جالعاستىردى.
"مەملەكەتتٸك تٸلدە جاۋاپ بەرۋگە كٸشكەنە قينالامىن. قازاق تٸلٸن بٸلمەگەندٸكتەن ەمەس, ٶز ويىمدى تولىق جەتكٸزۋ ٷشٸن ورىس تٸلٸندە جاۋاپ بەرەيٸن", - دەدٸ مينيستر.
ال نۇرلان نىعماتۋلين ەكولوگييا مينيسترٸ سەرٸكقالي برەكەشەۆكە ەسكەرتۋ جاسادى.
"سٸز بٸزگە بٸرٸنشٸ رەت كەلٸپ وتىرسىز, دەپۋتاتتىڭ قويعان سۇراعى دا ٷلكەن كٷردەلٸ مەسەلە. سٸز پارلامەنتكە كەلٸپ وتىرسىز. سول سەبەپتٸ كەلەسٸدە قازاق تٸلٸندە قويىلعان ساۋالعا قازاق تٸلٸندە جاۋاپ بەرۋٸڭٸز قاجەت. شەتەلدە وقىدىڭىز, اعىلشىن تٸلٸن بٸلەسٸز. ەندٸ تۋعان ەلدە جٷرسٸز, وعان قوسا مينيسترسٸز, سول سەبەپتٸ قازاق تٸلٸندە سٶيلەۋ قاجەت. كەلٸستٸك پە?", - دەدٸ مەجٸلٸس تٶراعاسى.
بۇعان ەكولوگييا مينيسترٸ: "جارايدى, تٷسٸنٸكتٸ" دەپ قىسقاشا جاۋاپ قايىردى.
