Tengrinews.kz/video kadry
Almatyda avtobýs apatynan úsh adam qaza tapty, onyń ekeýi erli-zaiypty. Tórt bala ákesi men anasynan aiyryldy, - dep habarlaidy Tengrinews.kz saity KTK arnasyna silteme jasap.
Jol apatynan erli-zaiypty Talap Kosimov pen Gúljahan Irsimbetova qaza tapty. Olar jumystan úige qaityp kele jatqan. Jol boiynda taksi ustap turǵan sátte olardy avtobýs qaǵyp ketken.
Endi úlkenderi inisine ata-anasy endi joq ekenin qalai túsindirerin bilmeidi. Bala nebári 5 jasta.
"Kishisi úige qonaqtar keldi dep oilaidy. Júgirip, oinap júr. Ata-anasy jaqynda keledi dep oilaidy. Anasy men ákesi qaida dep suraǵanda ne dep jaýap beretinimizdi bilmeimin. Máiithanada máiitti orap, ashýǵa tyiym saldy. Qatty soqqydan bet-álpeti tanýǵa kelmeidi. Janazaǵa deiin jýyndyrmady da. Olar únemi birge júretin. Únemi úige asyǵatyn. Balalar tań atqansha anasy men ákesin kútti", – deidi týysy Gúlnar Tursynbekova.
Marqumdardyń týystary erli-zaiypty úige oralmaǵan kezde úlken qyzy birdeńe durys emes ekenin sezgenin aitady. Ákesi men anasyn izdei bastaǵan. Qyz aýrýhana men politsiiaǵa habarlasqan. Keiin ata-anasynyń denesi máiithanada ekenin bilgen.
"Politsiia qyzmetkerleriniń qoldarynda jeke kýálikteri bolǵan. Biraq bizge eshkim qońyraý shalǵan da joq. Biz ózimiz izdep, máiitter máiithanada jatqanyn bildik. Avtobýs aǵamyz ben jeńgemizdi basyp ketken. Nelikten kúdikti "Buzaqylyq" boiynsha ustalyp otyr. Adamdar óldi. Júrgizýshi men jolaýshy arasynda janjal shyqqanyn estidik. Júrgizýshi úndemei qalýy kerek edi", – deidi týysy Abdýlla Qurbanov.
Talap pen Gúljahan stýdenttik jyldary tanysqan. Olar shirek ǵasyr birge ómir súrgen. 45 jastaǵy erli-zaiypty mektepte jumys istegen. Ekeýi de qazaq ádebietinen sabaq bergen.
