Tengrinews.kz/ۆيدەو كادرى
الماتىدا اۆتوبۋس اپاتىنان ٷش ادام قازا تاپتى, ونىڭ ەكەۋٸ ەرلٸ-زايىپتى. تٶرت بالا ەكەسٸ مەن اناسىنان ايىرىلدى, - دەپ حابارلايدى Tengrinews.kz سايتى كتك ارناسىنا سٸلتەمە جاساپ.
جول اپاتىنان ەرلٸ-زايىپتى تالاپ كوسيموۆ پەن گٷلجاحان يرسٸمبەتوۆا قازا تاپتى. ولار جۇمىستان ٷيگە قايتىپ كەلە جاتقان. جول بويىندا تاكسي ۇستاپ تۇرعان سەتتە ولاردى اۆتوبۋس قاعىپ كەتكەن.
ەندٸ ٷلكەندەرٸ ٸنٸسٸنە اتا-اناسى ەندٸ جوق ەكەنٸن قالاي تٷسٸندٸرەرٸن بٸلمەيدٸ. بالا نەبەرٸ 5 جاستا.
"كٸشٸسٸ ٷيگە قوناقتار كەلدٸ دەپ ويلايدى. جٷگٸرٸپ, ويناپ جٷر. اتا-اناسى جاقىندا كەلەدٸ دەپ ويلايدى. اناسى مەن ەكەسٸ قايدا دەپ سۇراعاندا نە دەپ جاۋاپ بەرەتٸنٸمٸزدٸ بٸلمەيمٸن. مەيٸتحانادا مەيٸتتٸ وراپ, اشۋعا تىيىم سالدى. قاتتى سوققىدان بەت-ەلپەتٸ تانۋعا كەلمەيدٸ. جانازاعا دەيٸن جۋىندىرمادى دا. ولار ٷنەمٸ بٸرگە جٷرەتٸن. ٷنەمٸ ٷيگە اسىعاتىن. بالالار تاڭ اتقانشا اناسى مەن ەكەسٸن كٷتتٸ", – دەيدٸ تۋىسى گٷلنار تۇرسىنبەكوۆا.
مارقۇمداردىڭ تۋىستارى ەرلٸ-زايىپتى ٷيگە ورالماعان كەزدە ٷلكەن قىزى بٸردەڭە دۇرىس ەمەس ەكەنٸن سەزگەنٸن ايتادى. ەكەسٸ مەن اناسىن ٸزدەي باستاعان. قىز اۋرۋحانا مەن پوليتسيياعا حابارلاسقان. كەيٸن اتا-اناسىنىڭ دەنەسٸ مەيٸتحانادا ەكەنٸن بٸلگەن.
"پوليتسييا قىزمەتكەرلەرٸنٸڭ قولدارىندا جەكە كۋەلٸكتەرٸ بولعان. بٸراق بٸزگە ەشكٸم قوڭىراۋ شالعان دا جوق. بٸز ٶزٸمٸز ٸزدەپ, مەيٸتتەر مەيٸتحانادا جاتقانىن بٸلدٸك. اۆتوبۋس اعامىز بەن جەڭگەمٸزدٸ باسىپ كەتكەن. نەلٸكتەن كٷدٸكتٸ "بۇزاقىلىق" بويىنشا ۇستالىپ وتىر. ادامدار ٶلدٸ. جٷرگٸزۋشٸ مەن جولاۋشى اراسىندا جانجال شىققانىن ەستٸدٸك. جٷرگٸزۋشٸ ٷندەمەي قالۋى كەرەك ەدٸ", – دەيدٸ تۋىسى ابدۋللا قۇربانوۆ.
تالاپ پەن گٷلجاحان ستۋدەنتتٸك جىلدارى تانىسقان. ولار شيرەك عاسىر بٸرگە ٶمٸر سٷرگەن. 45 جاستاعى ەرلٸ-زايىپتى مەكتەپتە جۇمىس ٸستەگەن. ەكەۋٸ دە قازاق ەدەبيەتٸنەن ساباق بەرگەن.
