Sinoptikter jaqyn kúnderi elimizde kún jylynatynyn boljady, - dep habarlaidy "Ult aqparat" "Qazgidromet" RMK ókilderine silteme jasap.
"Altaida ornalasqan sýyq jáne kúshti antitsiklon ádettegidei Qazaqstannyń aýa raiynyń ózgerýin anyqtaidy. Sondyqtan da demalys kúnderi kóptegen oblysta aýa temperatýrasy klimattyq normadan 8-15°S, al ońtústik, ońtústik-shyǵysta 17...22°S tómen boldy. Biraq qatty aiaz álsirep keledi, 29 qańtar kúni respýblikanyń soltústik bóliginde aýa temperatýrasy minýs 20...27°S gradýsty kórsetip otyr", - deidi mamandar.
Sondai-aq, aldaǵy úsh táýlikte Atlantika men Qara teńizden jyljyǵan jyly jáne ylǵaldy aýa massalarynyń áserinen temperatýranyń kóterilýi tek batys jáne soltústik aimaqtarda ǵana emes, Qazaqstannyń ońtústik jáne shyǵys aimaqtarynda da kútiletini aitylady.
