Sh.Aimanov atyndaǵy «Qazaqfilm» AQ «Jeńimpaz» atty tolyqmetrajdy kórkem filmniń óndirisin bastaǵaly otyr, dep habarlaidy "Ult aqparat" kinostýdiianyń baspasóz qyzmetine silteme jasap.
Kartina Keńes odaǵynyń klassikalyq kúresshisi, álem chempiony, Olimpiada chempiony, KSRO eńbek sińirgen sport sheberi (1980), Qazaq KSR-nyń eńbek sińirgen jattyqtyrýshysy - Jaqsylyq Úshkempirovtyń ómiri týraly baiandaidy. Filmniń rejisserleri - Baqyt Qaiyrbekov pen Aleksei Kamenskii.
«Qazaqfilm» kinostýdiiasy atalǵan jobaǵa basty jáne epizodtaǵy rólderdegi akterler kastingin jariialaidy. Talap boiynsha, atalmysh kartinaǵa 5-7 jas aralyǵyndaǵy ul balalar (júze bilip, atqa mine alýy qajet), 9-15 jas aralyǵyndaǵy qyz balalar, 15-29 jas aralyǵyndaǵy aryqtaý kelgen jas sportshylar (kúrese bilýi qajet), 30 dan 60 jasqa deiingi sportshy er adamdar (kúrese bilý qajet), 18-22 jas aralyǵyndaǵy stýdent qyzdar men 20 dan 60 jas aralyǵyndaǵy erler men áielder kerek.
«Kastingke qazaq tilin meńgergen barlyq ult ókilderin shaqyramyz. Barlyq úmitkerler ózderi týraly anketalyq aqparatty (aty-jóni, jasy, boiy, salmaǵy, kinodaǵy tájiribesi, bailanys telefondary) toltyryp, sondai-aq, fotoǵa túsip (tula boiy, iri planda anfas jáne iri planda profil) e-mail: mergen_kasting_kz@mail.ru elektrondy poshtasyna jiberýleri qajet», - delingen habarlamada.
Túsirilim tobynyń talaptaryna sáikes kelgen úmitkermen kasting-direktor ózi habarlasyp, akterlik synaqqa shaqyrady.
