ش.ايمانوۆ اتىنداعى «قازاقفيلم» اق «جەڭٸمپاز» اتتى تولىقمەتراجدى كٶركەم فيلمنٸڭ ٶندٸرٸسٸن باستاعالى وتىر, دەپ حابارلايدى "ۇلت اقپارات" كينوستۋدييانىڭ باسپاسٶز قىزمەتٸنە سٸلتەمە جاساپ.
كارتينا كەڭەس وداعىنىڭ كلاسسيكالىق كٷرەسشٸسٸ, ەلەم چەمپيونى, وليمپيادا چەمپيونى, كسرو ەڭبەك سٸڭٸرگەن سپورت شەبەرٸ (1980), قازاق كسر-نىڭ ەڭبەك سٸڭٸرگەن جاتتىقتىرۋشىسى - جاقسىلىق ٷشكەمپٸروۆتىڭ ٶمٸرٸ تۋرالى باياندايدى. فيلمنٸڭ رەجيسسەرلەرٸ - باقىت قايىربەكوۆ پەن الەكسەي كامەنسكيي.
«قازاقفيلم» كينوستۋديياسى اتالعان جوباعا باستى جەنە ەپيزودتاعى رٶلدەردەگٸ اكتەرلەر كاستينگٸن جارييالايدى. تالاپ بويىنشا, اتالمىش كارتيناعا 5-7 جاس ارالىعىنداعى ۇل بالالار (جٷزە بٸلٸپ, اتقا مٸنە الۋى قاجەت), 9-15 جاس ارالىعىنداعى قىز بالالار, 15-29 جاس ارالىعىنداعى ارىقتاۋ كەلگەن جاس سپورتشىلار (كٷرەسە بٸلۋٸ قاجەت), 30 دان 60 جاسقا دەيٸنگٸ سپورتشى ەر ادامدار (كٷرەسە بٸلۋ قاجەت), 18-22 جاس ارالىعىنداعى ستۋدەنت قىزدار مەن 20 دان 60 جاس ارالىعىنداعى ەرلەر مەن ەيەلدەر كەرەك.
«كاستينگكە قازاق تٸلٸن مەڭگەرگەن بارلىق ۇلت ٶكٸلدەرٸن شاقىرامىز. بارلىق ٷمٸتكەرلەر ٶزدەرٸ تۋرالى انكەتالىق اقپاراتتى (اتى-جٶنٸ, جاسى, بويى, سالماعى, كينوداعى تەجٸريبەسٸ, بايلانىس تەلەفوندارى) تولتىرىپ, سونداي-اق, فوتوعا تٷسٸپ (تۇلا بويى, ٸرٸ پلاندا انفاس جەنە ٸرٸ پلاندا پروفيل) e-mail: mergen_kasting_kz@mail.ru ەلەكتروندى پوشتاسىنا جٸبەرۋلەرٸ قاجەت», - دەلٸنگەن حابارلامادا.
تٷسٸرٸلٸم توبىنىڭ تالاپتارىنا سەيكەس كەلگەن ٷمٸتكەرمەن كاستينگ-ديرەكتور ٶزٸ حابارلاسىپ, اكتەرلٸك سىناققا شاقىرادى.
