Almaty oblysy ákiminiń ókimimen Jaqsylyq Muqashuly Omar oblys ákiminiń orynbasary bolyp taǵaiyndaldy. Bul týraly Almaty oblysy ákimdiginiń resmi saity habarlady.
Jaqsylyq Muqashuly Omar 1980 jyly týǵan. Abai atyndaǵy Almaty memlekettik ýniversitetin, Qazaq innovatsiialyq gýmanitarlyq-zań ýniversitetin bitirgen. Mamandyǵy – geografiia pániniń oqytýshysy, memlekettik jáne jergilikti basqarý bakalavry.
Eńbek jolyn Qazaqstan Respýblikasy Mádeniet, aqparat jáne qoǵamdyq kelisim ministrligi Respýblikalyq halyqaralyq mádeni baǵdarlamalar komiteti direktsiiasynyń jetekshi mamany bolyp bastady.
Ár jyldarda Mádeniet ministrliginde jetekshi maman, bas maman, Qarjy ministrligi Kedendik baqylaý komitetiniń mamany, «Qazaqstan» RTRK» AQ «Astana» TRK direktsiiasy direktorynyń orynbasary, qoǵamdyq-saiasi bóliminiń prodiýseri, «Arnamedia» UAH» AQ bas menedjeri, Parlament Májilisi apparaty baspasóz qyzmetiniń sarapshysy, Shyǵys Qazaqstan oblysy ákiminiń kómekshisi, Shyǵys Qazaqstan oblystyq Ishki saiasat basqarmasy basshysynyń orynbasary, basshysy, Shyǵys Qazaqstan oblystyq mádeniet basqarmasynyń basshysy laýazymdaryn atqardy.
2013 jyldyń mamyr aiynan – Shyǵys Qazaqstan oblysy ákiminiń orynbasary.
Aita ketsek, Almaty oblysy ákiminiń ókimimen basqa jumysqa aýysýyna bailanysty Baqtiiar Áltaiuly Ónerbaev oblys ákiminiń orynbasary qyzmetinen bosatyldy.
