Jas aqyn Jaqsylyq Qazymuratulynyń "Ápke" atty jańa jyr jinaǵy oqyrmanǵa jol tartty. 24 qarasha kúni Almaty qalasyndaǵy Jambyl atyndaǵy kitaphanada týyndynyń tusaýkeser rásimi ótedi.
Kesh barysynda aqynnyń jańa óleńderi oqylyp, án shyrqalady, kúi shertiledi. Keshke belgili aqyn-jazýshylar men ziialy qaýym ókilderi qatysady. Bastalýy - saǵat 16:00-de.
Kitap "Muqaba" baspasynda daiyndalǵan. Taralymy 1000 dana.
Aita ketsek, Jaqsylyq Qazymuratuly 1990 jyldyń 23 qyrkúieginde qazirgi Qytai Halyq Respýblikasynyń Shihý qalasynda dúniege kelgen. Ál-Farabi atyndaǵy Qazaq ulttyq ýniversitetiniń jýrnalistika fakýltetin támámdaǵan. Buǵan deiin "Qarala syrmaq", "Japyraq jaýǵan kúz" atty jyr jinaqtary jaryq kórgen. Búginde "Ańyz adam", "Juldyzdar otbasy" jýrnaldarynda qyzmet etedi.
