Meditsina ǵylymdarynyń doktory, professor Jaqsylyq Dosqaliev qazaqstandyqtardy óz densaýlyǵyna jaýapty bolýǵa jáne koronavirýs tirkelgen elderge barmaýǵa shaqyrdy, dep habarlaidy QazAqparat tilshisi.
«Adamnyń óz jaýapkershiligi týraly aitý kerek. Olar aýrý juqtyryp, infektsiiany elge ákelmeý úshin óz jaýapkershiligin kórsetýleri kerek. Elimizdiń bas sanitarlyq dárigeri barýǵa qaýipti elderdi atady. Soǵan qulaq asý kerek. Italiiaǵa barýdyń qajeti joq. Sebebi, onda syrqattaný men ólim-jitim qaýpi joǵary. Ómir adamǵa bir ret qana beriledi. Sondyqtan, esh sebepsiz táýekel etpeńiz. Otandy nemese otbasyn qorǵaý úshin táýekelge barýǵa bolady», - dedi Jaqsylyq Dosqaliev jýrnalistermen ótken kezdesýde.
Men qazaqstandyqtardy Densaýlyq saqtaý ministrligin tyńdaýǵa jáne osy keńesterdi ustanýǵa shaqyramyn. Densaýlyq saqtaý ministrligi bizdiń azamattarymyzdyń densaýlyǵyn qorǵaýda, bul – olardyń tikelei mindeti. Biraq bul shetelge sapar shegip, aýrý juqtyrý qaýpine ushyraý kerek degendi bildirmeidi. Qazaqstan – tranzittik el, sondyqtan qazaqstandyqtar túrli elderge, sonyń ishinde Qytaiǵa sapar shegedi. Sondyqtan karantindik oryndar arnaiy ázirlendi. Osy sharalardyń arqasynda qazir Qazaqstanda koronavirýspen eshkim aýyryp jatqan joq», - dedi ol.
Onyń aitýynsha, koronavirýs – álemde órship kele jatqan qaýipti infektsiia.
«Dúniejúzilik densaýlyq saqtaý uiymynyń derekterine sáikes, álem boiynsha 81 189 adam osy infektsiiany juqtyrdy. 2700 adam qaitys boldy. Búginde álemniń 33 elinde keminde bir naýqas adamnan bar. Bul bul infektsiianyń óte juqpaly jáne tez taralatynyn bildiredi. Koronavirýs juqtyrǵandardyń 3,4% qaitys bolǵan. Bul óte joǵary kórsetkish. Onyń ústine bul aýrýdy emdeý óte kúrdeli. Eń aldymen balalar men immýniteti álsiz adamdar juqtyrady. Eresekter arasynda júkti áielder, sozylmaly aýrýy bar adamdar jii aýyrady», - dedi professor.
