Sýret: ashyq derekkóz
"Ońtústik" óńirlik qolbasshylyǵynyń sarbazy Qordai ortalyq aýdandyq aýrýhanasynyń jansaqtaý bólimine tústi, – dep habarlaidy "Ult aqparat" Jambyl oblystyq Densaýlyq saqtaý basqarmasy baspasóz qyzmetine silteme jasap.
Dárigerlerdiń aitýynsha sarbazdyń jaǵdaiy ázirge áli de aýyr.
"Naýqas 9 maýsym kúni Gvardeisk áskeri gospitalinen jedel járdem kóligimen jetkizildi. Qordai ortalyq aýdandyq aýrýhanasyna "polisegmentaldy pnevmoniia" diagnozymen jatqyzyldy. Oń jaqta plevrit. 3-4 dárejeli juqpaly toksikalyq shok. Sepsis. Midyń gipoksiialyq isinýi, tserebraldy koma 2-3. DVS sindromy. Naýqas klinikalyq ólimdi bastan keshken. Qazirgi ýaqytta naýqastyń jaǵdaiy óte aýyr, kóptegen músheler jetkiliksizdigi baiqalady. Atap aitqanda, tynys alý, júrek, baýyr, tserebraldy jáne infektsiialyq toksikalyq shok belgileri bar. Gemofiltratsiia jáne dári-dármekpen emdeledi", — delingen baspasóz relizinde.
