Foto: Úkimettiń baspasóz qyzmeti
Úkimet basshysy Oljas Bektenov sý tasqynynyń ekinshi tolqyny qarsańynda Atyraýdy tasqynnan qorǵaý jumystaryn tekserdi, - dep habarlaidy «Ult aqparat» Úkimettiń baspasóz qyzmetine silteme jasap.
"Batys óńirde Resei Federatsiiasynyń Iriklin sý qoimasynan sý kelýine bailanysty, sondai-aq, Jaiyq ózenine quiylar saǵadaǵy iri tasqyn men sý deńgeiiniń kóterilýi saldarynan jaǵdai kúrdeli kúiinde qalyp otyr", - dep jazylǵan Úkimettiń baspasóz qyzmeti málimetinde.
Batys Qazaqstan oblysyndaǵy iri sý tasqynynan keiin aǵyn sý ózen arnasymen Atyraý oblysyna qarai jyljyp, Kaspii teńizine quiady. Keiingi táýlikte BQO tarapynan keletin sý áserinen Atyraý qalasynda sý deńgeii 6 santimetrge kóterilgen.
Úkimet basshysy Oljas Bektenov Atyraý oblysyna sý tasqyny jaǵdaiy turaqtanǵan óńirlerden áskeri qyzmetshiler men tehnikany jedel jetkizip, kúshterdi arttyrýdy tapsyrdy.
"Búgingi tańda sý tasqynynyń aldyn alý sharalarynyń 92 paiyzy oryndaldy. Jumysty tiimdi júrgizý úshin qala 111 sektorǵa bólingen. Uzyndyǵy 482 shaqyrym qorǵanys bógetteri salyndy, aiaqtalǵan ýchaskeler tehnikalyq qadaǵalaý arqyly tekserildi. Jumystarǵa TJM, IIM, Qorǵanys ministrligi, Ulttyq ulannyń 6 myńǵa jýyq áskeri qyzmetshisi, ákimdik qyzmetkerleri, 2 myńǵa jýyq tehnika jumyldyrylǵan", - dep jazylǵan málimette.
Atyraý oblysynda 15 kanaldyń 14-i Jaiyq ózeni boiynda ornalasqan. Tórt júiede (Sokolok, Naryn, Chernaia rechka, Baqsai) tasqyn sýdyń ózdigimen aǵýyna múmkindik bar.
Qaýipti aimaqqa Jarsýat jáne Qurylys eldi mekenderi kiredi, bul aýmaqta 10,5 shaqyrym bóget ornalasqan. Qazirgi ýaqytta bul aýmaqta arnaiy tehnikalar arqyly bógetter turǵyzylǵan. Sondai-aq, sý basý qaýpi bar Inderbor, Eltai, Esbol, Kóktoǵai, Bódene, Órlik jáne Yntymaq aýyldarynda bógetter kóterilip jatyr. Inder, Mahambet, Isatai jáne Qurmanǵazy aýdandarynda jaǵaýlaýlar nyǵaitylyp jatyr.
