Almaty qalasynyń irgesindegi úilerdiń birinde jabaiy shoshqa asyraǵan azamat jaýapqa tartyldy, dep habarlaidy QazAqparat.
Atalǵan faktini Tabiǵatty qorǵaý politsiiasy qyzmetkerleri maqsatty is-shara júrgizý barysynda anyqtady. Jabaiy shoshqa «Aqsai medik» baǵbandyq qoǵamynyń úileriniń birinen tabyldy.
«Esterińizge sala keteiin, Tabiǵatty qorǵaý zańnamasyn buzý, brakonerlik, biologiialyq resýrstardyń zańsyz ainalymy faktilerin, sondai-aq ekologiialyq qylmystardy ashý faktilerin anyqtaý jáne jolyn kesý maqsatynda 20 qazan men 19 qarasha aralyǵynda «Brakoner» jalpy respýblikalyq jedel-aldyn alý is-sharasy ótkizilýde.
Is-shara sheńberinde QR Ekologiia, geologiia jáne tabiǵi resýrstar ministrliginiń Orman sharýashylyǵy jáne janýarlar dúniesi komitetiniń aýmaqtyq organdarymen birlesip jedel-izdestirý toptary quryldy.
Bul jaǵdaida 70 jastaǵy azamat M. QR ÁQbK-niń 389-baby 1-bóligi boiynsha jaýapkershilikke tartyldy.
Atalǵan óndiris materialdary sot quzyretine sáikes sheshim qabyldaý úshin sotqa jiberiledi», – dedi Naýryzbai aýdandyq politsiia basqarmasynyń bastyǵy Didar Ahanov.
