Ońtústik Qazaqstan oblysynda azyq-túlik baǵasyn turaqtandyrý maqsatynda ózimizde óndiriletin jáne shetten tasymaldanatyn azyq-túlik taýarlaryna saraptama júrgizilýi tiis. Ol úshin arnaiy jospar quryp, monitoring jasalýy qajet. Ekinshiden, ózimizde óndirilgen taýarlardy saqtaý máselesine mán berýimiz qajet. Búgin bul týraly selektorlyq jiynda oblys ákimi Janseiit Túimebaev málim etti, dep habarlaidy "Ult aqparat" aimaq basshysynyń baspasóz qyzmetine silteme jasap.
Kún tártibinde alǵashqy bolyp áleýmettik mańyzy bar azyq-túlik taýarlary men janar-jaǵar mai baǵasyn turaqtandyrý sharalary, sondai-aq turaqtandyrý qorynyń jumysy talqylandy. Bul týraly oblystyq kásipkerlik, indýstriialdy-innovatsiialyq damý jáne týrizm basqarmasynyń basshysy Batyrhan Qurmanseiit baiandama jasady. Onyń atap ótýinshe, óńirde ahýal turaqty jáne taýarlarǵa degen jetispeýshik baiqalmaidy.
«Qazan aiynda áleýmettik azyq-túlik taýarlary tizbesindegi 2 taýardyń baǵasynyń ósimi baiqalady. Máselen, kartop 17 paiyzǵa, iaǵni 100 teńgeden 117 teńgege ósti. Súzbe 9,4 paiyzǵa, iaǵni 1408 teńgeden 1541 teńgege kóterilgen. Desek te, qyryqqabat 6,8 paiyzǵa tómendep otyr» - dedi Batyrhan Qurmanseiit.
Jyl basynan baǵa ózgerisine áser etýshi faktorlar retinde AI-92 markaly benzinniń 22,1 paiyzǵa, dizel otyny 19,8 paiyzǵa, kommýnaldyq tarifter boiynsha jylý 12,2 paiyzǵa, kárizdiń 13,3 paiyzǵa, sýdyń 13,3 paiyzǵa, elektr energiiasynyń 1,3 paiyzǵa qymbattaýy sebep bolyp otyr. Al qazan aiynda benzin AI-92 markasynyń baǵasy 11,4 paiyzǵa, dizel otyny 6,9 paiyzǵa ósken.
Óńirdegi ahýalǵa qanyqqan oblys ákimi qazan aiynda oblystaǵy infliatsiia deńgeii 6,1 paiyzdy quraǵanyn, onyń ishinde azyq-túlik taýarlarynyń qymbattaýy 4,3 paiyzdy, azyq-túlik emes taýarlar 8,6 paiyzdy, aqyly qyzmetter 5,8 paiyzdy quraǵanyn aityp ótti.
«Birinshiden negizgi 19 taýardyń túrine baǵany durystaýymyz qajet. Barlyq basqarmalar, aýdan, qala ákimderi daiyndyq jumystaryn kúsheitý kerek. Ekinshi másele - osy taýar túrlerin óndirgende saqtaý máselesine mán berýimiz tiis. Bul rette, Sairam aýdanyndaǵy syiymdylyǵy 40 myń tonna qoimany tiimdi paidalanýdy tapsyramyn», - dedi Janseiit Qanseiituly.
Aita keteiik, baǵany turaqtandyrý maqsatynda oblysta arnaiy shtab qurylyp, tiisti is-shara jospary bekitilgen. Jyl sońyna deiin Shymkent qalasynda 20 áleýmettik dúken ashylmaq. Sondai-aq Qajymuqan atyndaǵy ortalyq stadion mańynan úlken áleýmettik bazar qurý máselesi de qarastyrylýda.
