Foto ashyq derekkózden alyndy
Qazirgi kezde áleýmettik jelilerde jáne messendjer arqyly taratylyp jatqan zeinetkerlerge «22 000 jáne 60 000 teńge somasyna qosymsha áleýmettik tólem alý úshin halyqqa qyzmet kórsetý ortalyǵyna ótinish berý qajet» degen aqparat jalǵan, dep habarlaidy QazAqparat .
«Azamattarǵa arnalǵan úkimet» memlekettik korporatsiiasy BQO boiynsha filialynyń direktory Nádir Qurymbaevtyń aitýynsha, oblysta mundai ózgeris joq.
«Suraq týyndaǵan jaǵdaida azamattardan 1414 nómiri boiynsha biryńǵai bailanys ortalyǵyna habarlasýdy suraimyz. Sondai-aq jalǵan málimetterdi taratpaýdy ótinemiz», dedi N.Qurymbaev.
Kúni búgin jalaqynyń eń tómengi mólsheri – 70 myń, al memlekettik bazalyq zeinetaqy tóleminiń eń tómengi mólsheri – 24 341, zeinetaqynyń eń tómengi mólsheri – 53 076 teńge.
Jyl basynan bastap Batys Qazaqstan oblysynda jasyna bailanysty zeinetaqy jáne eńbek sińirgen jyldary úshin zeinetaqy tólemderiniń mólsheri - 10,5, al járdemaqy, áleýmettik tólemder - 8,5 paiyzǵa ósti.
Eske sala keteiik, budan buryn Oral qalasynda órtke bailanysty tirkeý jáne jer kadastry bóliminiń mekenjaiy ózgergenin jazǵan bolatynbyz.
