Zeinetkerlerdiń 9 mln teńgesin aldap alǵan aqmolalyq ustaldy

Foto: Polisia.kz

Aqmola oblysynda zeinetkerlerdiń senimine kirip, 9 mln teńgesin aldap alǵan alaiaq qolǵa tústi, – dep habarlaidy «Ult aqparat» Polisia.kz-ke silteme jasap.

Kókshetaý qalasynyń politsiia basqarmasyna oblys ortalyǵynda turatyn qart erli-zaiyptylar júgindi. Zeinetkerler 9 mln teńgeden astam aqsha qarajatyn tartyp alǵan áieldiń qurbany bolǵanyn habarlady. 

Alaiaq 2022-2024 jyldar aralyǵynda ár túrli syltaýlarmen erli-zaiyptylardan óz qajettilikterine aqsha alyp kelgen. Kúdikti retinde buryn qylmystyq jaýapkershilikke tartylmaǵan 32 jastaǵy jumys istemeitin jergilikti turǵyn anyqtaldy. 

Qaskúnemge qatysty QR QK-niń 190-babynyń 3-bóligi (Alaiaqtyq) boiynsha sotqa deiingi tergeý bastaldy. Baptyń sanktsiiasy 7 jylǵa deiingi merzimge bas bostandyǵynan aiyrý túrindegi eń joǵary jazany kózdeidi.