Endi eGovMobile qosymshasy arqyly zeinetker jáne qandas kýálikterin kórsetýge bolady, dep habarlaidy QazAqparat.
QR Eńbek jáne halyqty áleýmettik qorǵaý ministrligi «Eńbek resýrstaryn damytý ortalyǵy» AQ jáne QR Tsifrlyq damý, innovatsiialar jáne aeroǵarysh ónerkásibi ministrliginiń «Ulttyq aqparattyq tehnologiialar» AQ-men birlesip, «Tsifrlyq Qazaqstan» memlekettik baǵdarlamasy sheńberinde tsifrlyq qujattar jiyntyǵyn keńeitý boiynsha jumys júrgizdi. Endi eGovMobile qosymshasynda zeinetker kýáligi men qandas kýáligi qoljetimdi.
Servis ózimen birge qujattyń túpnusqasy joq adamdarǵa paidaly bolady. Kýálik iesi (zeinetker nemese qandas) ony talap etken jeri boiynsha usyna nemese telefondaǵy messendjerler arqyly óziniń elektrondyq qujatyn kórsete alady. Sonymen qatar, tsifrlyq qujattarda QR-kod arqyly ashý múmkindigi bar, bul qujatty suraǵan tarapqa onyń túpnusqalyǵyn tekserýge kómektesedi.
«Qazir Qazaqstan turǵyndarynyń kópshiligi qaltadaǵy smartfonsyz ómirdi elestete almaidy, sondyqtan tsifrlyq qujattardy paidalaný yńǵaily, óitkeni smartfondy árdaiym derlik ózimizben birge alyp júremiz. Ózińizben birge qaǵaz qujattardy alyp júrýdiń qajeti joq. Bul servis elektrondyq úkimet arqyly tekserilgen», – dep atap ótti QR Eńbek jáne halyqty áleýmettik qorǵaý vitse-ministri Erbol Ospanov.
Búgingi kúni serviste kelesi qujattar da bar: jeke kýálik, nekeni tirkeý týraly kýálik, bilimi týraly diplom, balanyń týý týraly kýáligi, stýdenttik bilet jáne t. b.
«Sondai-aq, jyl sońyna deiin azamattyń áleýmettik mártebesin kórsetetin áleýmettik ID biryńǵai tsifrlyq qujatyn iske asyrý josparlanýda. Jaqyn arada kópbalaly otbasylarǵa beriletin járdemaqy jáne ataýly áleýmettik kómek alýshylardyń qujattary jáne basqalary tsifrlyq formatqa kóshiriledi. Ýaqyt óte kele biz qujattardyń qaǵaz nusqalarynan múldem qajet bolmaidy», – dep tolyqtyrdy Erbol Ospanov.
