Foto: ashyq derekkóz
72 jastaǵy zeinetker uzaq ýaqyttan beri qoldanylyp kele jatqan alaiaqtyq shemanyń qurbany boldy, dep habarlaidy Ult.kz.
Oqiǵa Resei nómirinen túsken qońyraýdan bastalǵan. Belgisiz adam ózin dáriger retinde tanystyryp, áieldi basqa emhanada qaita vaktsinatsiiadan ótý qajet ekenine sendirgen.
Keiin zeinetkerge SMS-habarlama kelip, ol kodty bógde adamǵa aityp bergen. Osy arqyly alaiaqtar onyń banktik shottaryna qol jetkizgen. Artynsha ózderin «tergeýshi Edýard» pen «qarjy mamany Viktor» dep tanystyrǵan adamdar habarlasyp, zeinetkerdiń shotyna memleketten aqsha túskenin, endi ony «qaitaryp berý» kerek ekenin aitqan.
Alaiaqtardyń nusqaýyn buljytpai oryndaǵan áiel óz shotynan 2 million teńge sheship alyp, belgisiz sheteldik esepshotqa aýdarǵan. Aqsha jiberilgennen keiin ǵana ol aldanyp qalǵanyn túsingen.
Qylmyskerler izderin jasyrý maqsatynda barlyq habarlamalar men qońyraýlardy óshirýdi talap etken. Osydan soń jábirlenýshi politsiiaǵa júgingen.
"SMS arqyly kelgen kodtardy eshqashan bógde adamdarǵa aitpańyz jáne beitanys nómirlerden túsken qońyraýlarǵa senbeńiz. Alaiaqtar zańdylyqtyń jalǵan kórinisin jasap, adamdardy shatastyrady. Sondyqtan aqparatty mindetti túrde tekserý – qarjylyq shyǵynnan saqtanýdyń basty joly", - dep eskertti Pavlodar qalalyq politsiiasy.
