فوتو: اشىق دەرەككٶز
72 جاستاعى زەينەتكەر ۇزاق ۋاقىتتان بەرٸ قولدانىلىپ كەلە جاتقان الاياقتىق سحەمانىڭ قۇربانى بولدى, دەپ حابارلايدى Ult.kz.
وقيعا رەسەي نٶمٸرٸنەن تٷسكەن قوڭىراۋدان باستالعان. بەلگٸسٸز ادام ٶزٸن دەرٸگەر رەتٸندە تانىستىرىپ, ەيەلدٸ باسقا ەمحانادا قايتا ۆاكتسيناتسييادان ٶتۋ قاجەت ەكەنٸنە سەندٸرگەن.
كەيٸن زەينەتكەرگە SMS-حابارلاما كەلٸپ, ول كودتى بٶگدە ادامعا ايتىپ بەرگەن. وسى ارقىلى الاياقتار ونىڭ بانكتٸك شوتتارىنا قول جەتكٸزگەن. ارتىنشا ٶزدەرٸن «تەرگەۋشٸ ەدۋارد» پەن «قارجى مامانى ۆيكتور» دەپ تانىستىرعان ادامدار حابارلاسىپ, زەينەتكەردٸڭ شوتىنا مەملەكەتتەن اقشا تٷسكەنٸن, ەندٸ ونى «قايتارىپ بەرۋ» كەرەك ەكەنٸن ايتقان.
الاياقتاردىڭ نۇسقاۋىن بۇلجىتپاي ورىنداعان ەيەل ٶز شوتىنان 2 ميلليون تەڭگە شەشٸپ الىپ, بەلگٸسٸز شەتەلدٸك ەسەپشوتقا اۋدارعان. اقشا جٸبەرٸلگەننەن كەيٸن عانا ول الدانىپ قالعانىن تٷسٸنگەن.
قىلمىسكەرلەر ٸزدەرٸن جاسىرۋ ماقساتىندا بارلىق حابارلامالار مەن قوڭىراۋلاردى ٶشٸرۋدٸ تالاپ ەتكەن. وسىدان سوڭ جەبٸرلەنۋشٸ پوليتسيياعا جٷگٸنگەن.
"SMS ارقىلى كەلگەن كودتاردى ەشقاشان بٶگدە ادامدارعا ايتپاڭىز جەنە بەيتانىس نٶمٸرلەردەن تٷسكەن قوڭىراۋلارعا سەنبەڭٸز. الاياقتار زاڭدىلىقتىڭ جالعان كٶرٸنٸسٸن جاساپ, ادامداردى شاتاستىرادى. سوندىقتان اقپاراتتى مٸندەتتٸ تٷردە تەكسەرۋ – قارجىلىق شىعىننان ساقتانۋدىڭ باستى جولى", - دەپ ەسكەرتتٸ پاۆلودار قالالىق پوليتسيياسى.
