«Biryńǵai jinaqtaýshy zeinetaqy qory» AQ «Qazaqtelekom» AQ-nyń 10 paiyz aktsiiasyn satyp alady. Bul týraly «Samuryq-Qazyna» ulttyq ál-aýqat qorynyń basqarma tóraǵasy Ahmetjan Esimov aitty, dep habarlaidy QazAqparat.
«Kelesi kompaniia - «Qazaqtelekom». Qor (Samuryq-Qazyna) «Qazaqtelekom» kompaniiasynyń 50 paiyz aktsiiasyna ielik etedi. Kompaniia jariia sanalady jáne KASE-de listingilenedi jáne ásirese, qazirgi realiiada strategiialyq aktiv sanalady. Ulttyq bankpen kelissóz júrgizdik. «Biryńǵai jinaqtaýshy zeinetaqy qory» Qordyń 10 paiyz aktsiiasyn satyp alady», - dedi Ahmetjan Esimov Elbasy Nursultan Nazarbaevtyń tóraǵalyǵymen ótken Qordy basqarý jónindegi keńeste.
Osy oraida ol «Qazaqtelekom» kompaniiasynyń 10 paiyz aktsiiasyn BJZQ-ǵa satýdaǵy basymdyqqa toqtaldy.
«Eń aldymen, satý ádisin ózgertýdiń qajeti joq. Kompaniianyń ornalastyrý daiyndyǵy óte joǵary. Aktsiia qunynyń ósimi «Biryńǵai jinaqtaýshy zeinetaqy qorynyń» tabysyn arttyratyn bolady», - dedi ol.
