Zeinetaqy jinaqtaryn merziminen buryn alý kólemi mamyr aiynyń sońynda 1,4 trln teńge boldy, dep habarlaidy "Ult aqparat".
Ulttyq bank tóraǵasynyń orynbasary Áliia Moldabekovanyń deregi boiynsha, bes aidyń qorytyndysynda zeinetaqy aktivteriniń kiristiligi 5,3% bolǵan. Jalpy infliatsiia kólemi 3,5% bolǵanyn eskersek biryńǵai jinaqtyq zeinetaqy qory salymshylarynyń kirisi 1,8% mólsherinde saqtalǵan.
«Memleket basshysynyń tapsyrmasyna boiynsha BJZQ salymshylaryna turǵyn úi jaǵdailaryn jaqsartý, emdelý jáne jeke kompaniialardyń basqarýyna berý úshin zeinetaqy jinaqtarynyń bir bóligin merziminen buryn paidalanýǵa quqyq berildi. Biylǵy jylǵy 31 mamyrdaǵy jaǵdai boiynsha merziminen buryn alý kólemi 1,4 trln teńge boldy. Zeinetaqy jinaqtaryn merziminen buryn paidalaný bastalǵan sátten beri biz ai saiynǵy alý kóleminiń azaiǵanyn baiqap otyrmyz: biylǵy jylǵy aqpanda 643 mlrd teńge, naýryzda 302 mlrd teńge, sáýirde 283 mlrd teńge jáne mamyrda 179 mlrd teńge boldy», - deidi Áliia Moldabekova.
Ulttyq bank ókili birjoly zeinetaqy tólemderin paidalaný BJZQ-nyń investitsiialyq portfel sapasyna áser etpeitinin aityp otyr. Sebebi ol negizinen qarjy quraldary boiynsha óteýden jáne salymshylardyń jarnalarynan túsetin shoǵyrlandyrylǵan aqsha qarajaty esebinen júzege asyrylatyn kórinedi.
«Bul rette Ulttyq bank valiýtalyq portfeldi túrlendirý úshin belsendi jumys júrgizýdi jalǵastyrýda. Onyń úlesi biylǵy mamyrdyń sońynda zeinetaqy aktivteriniń 32%-yn nemese shamamen 9,5 mlrd AQSh dollaryn qurady. Valiýtalyq portfeldiń qurylymyn aktivterdiń neǵurlym kiristi synyptaryna investitsiialaýdy arttyrýǵa kúsh salyndy. Atap aitqanda, valiýtalyq portfeldiń 25%-ǵa deiingi bóligin jahandyq aktsiialarǵa, 25%-ǵa deiingi bóligin damýshy elderdiń obligatsiialaryna, sondai-aq 20%-ǵa deiingi bóligin investitsiialyq deńgeidegi korporativtik obligatsiialarǵa investitsiialaý josparlanýda», - deidi Ulttyq bank tóraǵasynyń orynbasary.
