زەينەتاقى جيناقتارىن مەرزٸمٸنەن بۇرىن الۋ كٶلەمٸ مامىر ايىنىڭ سوڭىندا 1,4 ترلن تەڭگە بولدى, دەپ حابارلايدى "ۇلت اقپارات".
ۇلتتىق بانك تٶراعاسىنىڭ ورىنباسارى ەلييا مولدابەكوۆانىڭ دەرەگٸ بويىنشا, بەس ايدىڭ قورىتىندىسىندا زەينەتاقى اكتيۆتەرٸنٸڭ كٸرٸستٸلٸگٸ 5,3% بولعان. جالپى ينفلياتسييا كٶلەمٸ 3,5% بولعانىن ەسكەرسەك بٸرىڭعاي جيناقتىق زەينەتاقى قورى سالىمشىلارىنىڭ كٸرٸسٸ 1,8% مٶلشەرٸندە ساقتالعان.
«مەملەكەت باسشىسىنىڭ تاپسىرماسىنا بويىنشا بجزق سالىمشىلارىنا تۇرعىن ٷي جاعدايلارىن جاقسارتۋ, ەمدەلۋ جەنە جەكە كومپانييالاردىڭ باسقارۋىنا بەرۋ ٷشٸن زەينەتاقى جيناقتارىنىڭ بٸر بٶلٸگٸن مەرزٸمٸنەن بۇرىن پايدالانۋعا قۇقىق بەرٸلدٸ. بيىلعى جىلعى 31 مامىرداعى جاعداي بويىنشا مەرزٸمٸنەن بۇرىن الۋ كٶلەمٸ 1,4 ترلن تەڭگە بولدى. زەينەتاقى جيناقتارىن مەرزٸمٸنەن بۇرىن پايدالانۋ باستالعان سەتتەن بەرٸ بٸز اي سايىنعى الۋ كٶلەمٸنٸڭ ازايعانىن بايقاپ وتىرمىز: بيىلعى جىلعى اقپاندا 643 ملرد تەڭگە, ناۋرىزدا 302 ملرد تەڭگە, سەۋٸردە 283 ملرد تەڭگە جەنە مامىردا 179 ملرد تەڭگە بولدى», - دەيدٸ ەلييا مولدابەكوۆا.
ۇلتتىق بانك ٶكٸلٸ بٸرجولى زەينەتاقى تٶلەمدەرٸن پايدالانۋ بجزق-نىڭ ينۆەستيتسييالىق پورتفەل ساپاسىنا ەسەر ەتپەيتٸنٸن ايتىپ وتىر. سەبەبٸ ول نەگٸزٸنەن قارجى قۇرالدارى بويىنشا ٶتەۋدەن جەنە سالىمشىلاردىڭ جارنالارىنان تٷسەتٸن شوعىرلاندىرىلعان اقشا قاراجاتى ەسەبٸنەن جٷزەگە اسىرىلاتىن كٶرٸنەدٸ.
«بۇل رەتتە ۇلتتىق بانك ۆاليۋتالىق پورتفەلدٸ تٷرلەندٸرۋ ٷشٸن بەلسەندٸ جۇمىس جٷرگٸزۋدٸ جالعاستىرۋدا. ونىڭ ٷلەسٸ بيىلعى مامىردىڭ سوڭىندا زەينەتاقى اكتيۆتەرٸنٸڭ 32%-ىن نەمەسە شامامەن 9,5 ملرد اقش دوللارىن قۇرادى. ۆاليۋتالىق پورتفەلدٸڭ قۇرىلىمىن اكتيۆتەردٸڭ نەعۇرلىم كٸرٸستٸ سىنىپتارىنا ينۆەستيتسييالاۋدى ارتتىرۋعا كٷش سالىندى. اتاپ ايتقاندا, ۆاليۋتالىق پورتفەلدٸڭ 25%-عا دەيٸنگٸ بٶلٸگٸن جاھاندىق اكتسييالارعا, 25%-عا دەيٸنگٸ بٶلٸگٸن دامۋشى ەلدەردٸڭ وبليگاتسييالارىنا, سونداي-اق 20%-عا دەيٸنگٸ بٶلٸگٸن ينۆەستيتسييالىق دەڭگەيدەگٸ كورپوراتيۆتٸك وبليگاتسييالارعا ينۆەستيتسييالاۋ جوسپارلانۋدا», - دەيدٸ ۇلتتىق بانك تٶراعاسىنىڭ ورىنباسارى.
