QR Indýstriia jáne infraqurylymdyq damý ministriniń 2021 jylǵy 10 jeltoqsandaǵy buiryǵy boiynsha birjolǵy zeinetaqy tólemderin turǵyn úi jaǵdaiyn jaqsartýǵa paidalaný qaǵidalaryna ózgerister engizildi, dep habarlaidy QazAqparat.
«Arnaiy shot ashqannan keiin ótinish berýshi 2017 jylǵy 25 jeltoqsandaǵy «Salyq jáne biýdjetke tólenetin basqa da mindetti tólemder týraly (Salyq kodeksi)» QR Kodeksiniń 351-1-babynda aiqyndalǵan arnaiy shottyń nómirin, paidalaný maqsatyn, qoljetimdi somasyn, jeke tabys salyǵyn ustap qalý jáne aýdarý tásilderin kórsete otyryp, turǵyn úi jaǵdailaryn jaqsartý úshin birjolǵy zeinetaqy tólemine arnalǵan elektrondyq ótinishterdi toltyrady», - dep jazylǵan buiryqqa engizilgen túszetýde.
Sonymen birjolǵy zeinetaqy tólemderi arqyly turǵyn úi jaǵdailaryn jaqsartýdyń mynadai sharalaryna jol beriledi:
1) turǵyn úidi nemese jer ýchaskesin (nysanaly maqsaty - jeke turǵyn úi qurylysy nemese jeke qosalqy sharýashylyq) satyp alý-satý, aiyrbastaý (aiyrbastaý) sharttary boiynsha menshikke satyp alýǵa bailanysty azamattyq – quqyqtyq mámileler boiynsha, turǵyn úi qurylysyna úlestik qatysý týraly zańnamaǵa sáikes kepildik bolǵan kezde nemese turǵyn úi qurylysyna úlestik qatysý týraly zańnamaǵa sáikes kóppáterli turǵyn úidegi úlesti berý týraly akt jasalǵan kezde túpkilikti esep aiyrysý (ipotekalyq turǵyn úi qaryzyn resimdemei);
2) bir banktik qaryz sharty sheńberinde turǵyn úidi jáne (nemese) jóndeý júrgize otyryp turǵyn úidi satyp alýǵa ipotekalyq turǵyn úi qaryzyn alý úshin bastapqy jarna engizý, bir banktik qaryz sharty sheńberinde turǵyn úidi jáne (nemese) jóndeý júrgize otyryp turǵyn úidi satyp alýǵa arnalǵan turǵyn úi qaryzdaryn ishinara nemese tolyq óteý, ipotekalyq turǵyn úi qaryzyn qaita qarjylandyrý;
3) turǵyn úi satyp alýǵa (onyń ishinde bir banktik qaryz sharty sheńberinde jóndeý júrgizý úshin) nemese jeke turǵyn úi salýǵa (nysanaly maqsaty bar jer ýchaskesin satyp alýdy qosa alǵanda – jeke turǵyn úi qurylysy nemese jeke qosalqy sharýashylyq) ipotekalyq turǵyn úi qaryzyn alý (qaita qarjylandyrý) maqsatynda turǵyn úi qurylysy jinaq aqshasyna salymdy tolyqtyrý (onyń ishinde odan ári jinaqtaý úshin).
Bul rette, syiaqy mólsherlemesin jáne memleket syilyqaqysyn esepteý jáne (nemese) qaitarý turǵyn úi qurylysy jinaq aqshasy týraly zańnamaǵa sáikes júzege asyrylady;
4) turǵyn úidi satyp alýǵa (onyń ishinde bir banktik qaryz sharty sheńberinde jóndeý júrgizýge) nemese jeke turǵyn úi salýǵa (nysanaly maqsaty jeke turǵyn úi qurylysy nemese jeke qosalqy sharýashylyq bolatyn jer ýchaskesin satyp alýdy qosa alǵanda) turǵyn úi qurylys jinaqtary júiesi boiynsha alynǵan ipotekalyq turǵyn úi qaryzy boiynsha bereshekti ishinara nemese tolyq óteý;
5) islam bankiniń qarjylandyrýy sheńberinde turǵyn úidi satyp alý, islam bankiniń turǵyn úi satyp alý jónindegi mámileni qarjylandyrýy sheńberinde bereshekti ishinara, tolyq óteý;
6) turǵyn úi qurylysy baǵdarlamalary nemese daǵdarysqa qarsy baǵdarlamalar sheńberinde berilgen satyp alý quqyǵymen turǵyn úidi uzaq merzimdi jaldaý sharttary boiynsha tóleý, jekeshelendirý, tólemdi bólip-bólip satyp alý-satý;
7) jeke turǵyn úi qurylysy (menshiginde nysanaly maqsaty jeke turǵyn úi qurylysy nemese jeke qosalqy sharýashylyq bolatyn jer ýchaskesi bolǵan kezde).
«Ipotekalyq turǵyn úi qaryzynyń mindettemeleri boiynsha birjolǵy zeinetaqy tólemderin paidalanýǵa satyp alynǵan (satyp alynatyn) turǵyn úi múlki ótinish berýshiniń, onyń jubaiynyń (zaiybynyń) nemese jaqyn týystarynyń menshigi bolyp tabylǵan jaǵdaida jol delingen qujatta.
Buiryqtyń tolyq nusqasyn myna jerden oqýǵa bolady.
