Densaýlyq saqtaý ministrligi zeinetaqy jinaǵyndaǵy «artylǵan» qarajatty shetelde emdelýge jumsaý sharasyn retteitin buiryq jobasyn talqylaýǵa shyǵardy, dep habarlaidy "Ult aqparat".
Qujat boiynsha birjolǵy zeiteaqy tólemin alýshy shetelde emdelýge niettense, ýákiletti operatordan shetel valiýtasynda arnaiy shot ashýy qajet. Al Biryńǵai jinaqtashýy zeinetaqy qorynan qarjy teńgemen alynatyndyqtan, ulttyq valiýtada taǵy bir arnaiy shot ashylady. Budan keiin dárigerlik komissiianyń qorytyndysy negizinde sheteldik uiym kórsetken meditsinalyq qyzmettiń oryndalǵanyn rastaityn qujatty ýákiletti operatorǵa usynady. Shetel valiýtasynda arnaiy shot osy kezde qajet.
10 jumys kúni ishinde usynylǵan qujattardy qarap, birjolǵy tólemdi aýdarý nemese aýdarmaý týraly sheshim shyǵarylady.
Zeinetaqy jinaǵyn paidalanýshy dárigerlik komissiianyń qorytyndysyn alǵannan keiin, em alatyn sheteldik uiymdy tańdaidy. Uiymmen onymen meditsinalyq qyzmetter kórsetý týraly shart jasasyp, tólem shotynyń skanerlengen nusqasyn, tólem shotyn jáne ýákiletti operatordyń internet-resýrsyndaǵy óziniń jeke kabinetinde dárigerlik komissiia qorytyndysyn alady.
Ministrlik talqylaýǵa shyǵarǵan buiryq jobasyndaǵy negizgi jańalyq buǵan deiin alynǵan emdik aralardyń aqysyn birjolǵy zeinetaqy tólemi arqyly óteýge ruqsat berý. Ol úshin jinaq ies ózi tirkelgen jerdegi meditsinalyq uiymǵa júginip, alǵan emdik sharalary týraly dárigerlik komissiianyń qorytyndysyn berýdi ótinedi.
Eger em Qazaqstan aýmaǵynda alynǵan bolsa, naýqastyń meditsinalyq kartasynan úzindi kóshirme talap etiledi. Al em shetelde alynsa: aýrý tarihynan jazyp berý epikriziniń kóshirmesi nemese meditsinalyq uiym men alýshy arasynda jasalǵan meditsinalyq qyzmetter kórsetý týraly shart nemese satýshy men alýshy arasynda jasalǵan dárilik zattardy satyp alýǵa arnalǵan shart derektemelerin, shot shet tilinde jasalǵan jaǵdailarda notariat kýálandyrǵan aýdarmasyn qosa berý kerek.
Bul rette alynǵan meditsinalyq qyzmetter men satyp alynǵan dárilik zattar 2021 jylǵy 1 qańtardan bastap týyndaǵan qatynastarǵa qoldanylady. Taǵy bir jańashyldyq – balalardy ata-anasynyń birjolǵy zenetaqy tóleminiń esebinen emdeýge múmkindik berý.
Qujatty talqylaý 15 shildege deiin jalǵasady.
