دەنساۋلىق ساقتاۋ مينيسترلٸگٸ زەينەتاقى جيناعىنداعى «ارتىلعان» قاراجاتتى شەتەلدە ەمدەلۋگە جۇمساۋ شاراسىن رەتتەيتٸن بۇيرىق جوباسىن تالقىلاۋعا شىعاردى, دەپ حابارلايدى "ۇلت اقپارات".
قۇجات بويىنشا بٸرجولعى زەيتەاقى تٶلەمٸن الۋشى شەتەلدە ەمدەلۋگە نيەتتەنسە, ۋەكٸلەتتٸ وپەراتوردان شەتەل ۆاليۋتاسىندا ارنايى شوت اشۋى قاجەت. ال بٸرىڭعاي جيناقتاشۋى زەينەتاقى قورىنان قارجى تەڭگەمەن الىناتىندىقتان, ۇلتتىق ۆاليۋتادا تاعى بٸر ارنايى شوت اشىلادى. بۇدان كەيٸن دەرٸگەرلٸك كوميسسييانىڭ قورىتىندىسى نەگٸزٸندە شەتەلدٸك ۇيىم كٶرسەتكەن مەديتسينالىق قىزمەتتٸڭ ورىندالعانىن راستايتىن قۇجاتتى ۋەكٸلەتتٸ وپەراتورعا ۇسىنادى. شەتەل ۆاليۋتاسىندا ارنايى شوت وسى كەزدە قاجەت.
10 جۇمىس كٷنٸ ٸشٸندە ۇسىنىلعان قۇجاتتاردى قاراپ, بٸرجولعى تٶلەمدٸ اۋدارۋ نەمەسە اۋدارماۋ تۋرالى شەشٸم شىعارىلادى.
زەينەتاقى جيناعىن پايدالانۋشى دەرٸگەرلٸك كوميسسييانىڭ قورىتىندىسىن العاننان كەيٸن, ەم الاتىن شەتەلدٸك ۇيىمدى تاڭدايدى. ۇيىممەن ونىمەن مەديتسينالىق قىزمەتتەر كٶرسەتۋ تۋرالى شارت جاساسىپ, تٶلەم شوتىنىڭ سكانەرلەنگەن نۇسقاسىن, تٶلەم شوتىن جەنە ۋەكٸلەتتٸ وپەراتوردىڭ ينتەرنەت-رەسۋرسىنداعى ٶزٸنٸڭ جەكە كابينەتٸندە دەرٸگەرلٸك كوميسسييا قورىتىندىسىن الادى.
مينيسترلٸك تالقىلاۋعا شىعارعان بۇيرىق جوباسىنداعى نەگٸزگٸ جاڭالىق بۇعان دەيٸن الىنعان ەمدٸك ارالاردىڭ اقىسىن بٸرجولعى زەينەتاقى تٶلەمٸ ارقىلى ٶتەۋگە رۇقسات بەرۋ. ول ٷشٸن جيناق يەس ٶزٸ تٸركەلگەن جەردەگٸ مەديتسينالىق ۇيىمعا جٷگٸنٸپ, العان ەمدٸك شارالارى تۋرالى دەرٸگەرلٸك كوميسسييانىڭ قورىتىندىسىن بەرۋدٸ ٶتٸنەدٸ.
ەگەر ەم قازاقستان اۋماعىندا الىنعان بولسا, ناۋقاستىڭ مەديتسينالىق كارتاسىنان ٷزٸندٸ كٶشٸرمە تالاپ ەتٸلەدٸ. ال ەم شەتەلدە الىنسا: اۋرۋ تاريحىنان جازىپ بەرۋ ەپيكريزٸنٸڭ كٶشٸرمەسٸ نەمەسە مەديتسينالىق ۇيىم مەن الۋشى اراسىندا جاسالعان مەديتسينالىق قىزمەتتەر كٶرسەتۋ تۋرالى شارت نەمەسە ساتۋشى مەن الۋشى اراسىندا جاسالعان دەرٸلٸك زاتتاردى ساتىپ الۋعا ارنالعان شارت دەرەكتەمەلەرٸن, شوت شەت تٸلٸندە جاسالعان جاعدايلاردا نوتاريات كۋەلاندىرعان اۋدارماسىن قوسا بەرۋ كەرەك.
بۇل رەتتە الىنعان مەديتسينالىق قىزمەتتەر مەن ساتىپ الىنعان دەرٸلٸك زاتتار 2021 جىلعى 1 قاڭتاردان باستاپ تۋىنداعان قاتىناستارعا قولدانىلادى. تاعى بٸر جاڭاشىلدىق – بالالاردى اتا-اناسىنىڭ بٸرجولعى زەنەتاقى تٶلەمٸنٸڭ ەسەبٸنەن ەمدەۋگە مٷمكٸندٸك بەرۋ.
قۇجاتتى تالقىلاۋ 15 شٸلدەگە دەيٸن جالعاسادى.
