Qazaqstandyqtar zeinetaqy jinaqtarynyń bir bóligin senimgerlik basqarýǵa bergen kezde basqarýshy kompaniiaǵa qandai talap qoiylady. Bul saýalǵa búgin QR Qarjy naryǵyn retteý jáne damytý agenttigi tóraǵasynyń orynbasary Mariia Hadjieva jaýap berdi, dep habarlaidy QazAqparat.
«Zeinetaqy jinaqtaryn investitsiialyq portfeldi basqarýǵa arnalǵan litsenziiasy, keminde 3 mlrd teńge mólsherindegi menshikti kapitaly, sońǵy úsh jylda klientterdiń 5 mlrd teńge mólsherindegi aktivterin basqarý tájiribesi, sondai-aq sońǵy eki jyl ishinde shyǵyndy qyzmet faktileri joq kompaniialarǵa berýge bolady», - dedi Mariia Hadjieva.
Onyń atap ótýinshe, sapalyq ólshemsharttardyń arasynan sońǵy 6 ai ishinde prýdentsiialyq normativterdi buzý faktileriniń, oryndalmaǵan qadaǵalap den qoiý sharalarynyń, sanktsiialardyń bolmaýyn, sonymen qatar basqarýshyda iri qatysýshynyń bolýyn atap ótýge bolady.
Aǵymdaǵy sátte agenttiktiń investitsiialyq portfeldi basqarýǵa arnalǵan litsenziiasy bar 18 basqarýshy kompaniianyń 6-ýy bekitilgen talaptarǵa sáikes keledi.
«Basqarýshy kompaniialardyń tizimi agenttiktiń saitynda jariialandy. Basqarýshy kompaniialardy bul tizimge engizý basqarýshy kompaniialardyń zeinetaqy aktivterin basqarý jónindegi qyzmetterdi kórsetetinin bildirmeidi. Sheshimdi kompaniianyń ózi jáne onyń aktsionerleri qabyldaýǵa tiis. Zeinetaqy jinaqtaryn bul kompaniialardyń basqarýyna berý úshin olar senimgerlik basqarýǵa jáne kastodiandyq qyzmet kórsetýge sharttar jasaýy qajet. BJZQ óziniń internet-saitynda ózi senimgerlik basqarýǵa sharttar jasaǵan basqarýshy kompaniialardyń tizimin jariialaidy. Sodan keiin salymshylar óz jinaqtaryn bul kompaniialardyń basqarýyna aýdarýǵa quqyly», - dedi ol.
