Zeinataqy jinaǵyn alǵysy keletin azamattar qandai kedergilerge jolyqty? Bul suraqqa «Otbasy bank» AQ tóraǵasy Lázzat Ibragimova jaýap berdi, dep habarlaidy QazAqparat.
«Keibir azamattarǵa (shamamen 6974 adam) óz ótinimin bergen kezde – jeke zeinetaqy qory buǵan deiin oryndalmaǵan ótinimderdi eskergende qarajat jetkiliksiz degen jaýap kelgen. Bul - birinshi kúni birneshe ótinim bergen azamattar. Olar aldymen ótinimdi jiberip alyp, keiin sońyna deiin jibermedim dep oilap, taǵy bir nemese birneshe ret ótinish joldaǵan. Al ol ótinishterdiń barlyǵy joiyla bergen. Biz qazirgi ýaqytta biz bul protsesti qarap, zerttep jatyrmyz. Birinshi ret ótinim berilgennen keiin ekinshi ótinim berýge bolmaidy. Biraq bul máseleni retteý úshin ázirleýshilerge ýaqyt kerek», - dedi Lázzat Ibragimova OKQ-da ótip jatqan baspasóz máslihatynda.
Sondai-aq, onyń sózine qaraǵanda qazaqstandyqtar mynadai problemaǵa tap bolǵan. Atap aitqanda. olardyń ótinimine «Ótinishte kórsetilgen soma alýǵa bolatyn mólsherden asyp ketti» dep kórsetilgen.
Lázzat Ibragimovanyń aitýynsha bul ótinim berýshiler somany kórsetkende qatelesip ketken. Odan bólek ártúrli mártebesi bar 26 264 ótinim qaralýda.
«Taǵy bir azamattar «BJZQ sizdiń ótinishińizdi qaraýǵa qabyldady» degen jaýapty kórgennen keiin qaitadan portaldaǵy jeke kabinetine kirip, nátijesin kórgisi kelgen. Sirá, barlyq protsedýralardy sońyna deiin ótip, ótinishke qol qoiý kerek dep kútse kerek. Áleýmettik jelilerdegi reaktsiiaǵa qaraǵanda, kóptegen adamdar erejelerdi muqiiat zerttep, qarjy olardyń arnaiy shotynda paida bolǵannan keiin BJZQ-daǵy salym kórsetkishi tómendegenin túsindi», - dep qosty ol.
Eske salsaq, 2021 jyly 2 qańtarda QR Prezidenti Qasym-Jomart Toqaev zeinetaqy jinaǵynyń bir bóligin maqsatty paidalanýǵa qatysty zańǵa qol qoidy.
Qazaqstandyqtardyń zeinetaqy jinaqtaryn paidalaný úshin jańartylǵan «jetkiliktilik shegi» jariialandy. Zeinetaqy jinaǵynan alýǵa bolatyn soma BJZQ saitynda avtomatty túrde kórsetiledi.
23 qańtardan Qazaqstanda zeinetaqynyń bir bóligin alýǵa ótinim qabyldaý bastaldy.
