BJZQ salymshylary «Otbasy bankinde» onlain rejimde arnaiy shot asha alady, – dep habarlaidy banktiń baspasóz qyzmeti.
Birjolǵy zeinetaqy tólemderine arnalǵan arnaiy shot - Qazaqstan Respýblikasynyń Úkimeti belgileitin ýákiletti operatorynda turǵyn úi jaǵdaiyn jaqsartý jáne (nemese) emdelý maqsattaryna biryńǵai jinaqtaýshy zeinetaqy qorynan birjolǵy zeinetaqy tólemderin aýdarý úshin alýshymen ashylatyn aǵymdaǵy bank shoty. Biz, eń aldymen, qazirgi ýaqytta «Otbasy Bank» AQ-nyń klienti bolyp tabylmaityn zeinetaqy qorynyń salymshylaryna arnaiy aǵymdaǵy shottar ashýdy usynamyz.
Bul úshin:
· JSSB24 mobildi qosymshasyn júktep, qurylǵyńyzǵa qondyrý qajet (IOS jáne Android).
· Qosymshanyń basty betiniń tómengi jaǵyndaǵy «Birjolǵy zeinetaqy tólemi úshin shot ashý» pernesin basyńyz.
· Sosyn qoldanystaǵy uialy telefon nómirin jáne JSN engizińiz.
· Uialy telefon nómirińizge kody bar SMS jiberiledi.
· Kelgen kodty engizińiz
· Skanerleý úshin jeke kýáligińizdi daiyndap qoiyńyz.
· Endi ózińizdi kýálandyrý qajet.
Ekranǵa qarap, qiyn emes birneshe is-áreketti oryndańyz.
· Verifikatsiiadan sátti ótkennen keiin klient saýalnamasyndaǵy jeke derekterdi toltyryńyz. · Derekterdi ózgertýge arnalǵan ótinishpen, Banktiń standartty talaptarymen jáne birjolǵy zeinetaqy tólemi úshin shot ashý týraly ótinishpen tanysyńyz.
· Bul áreket rastalý úshin sizdiń nómirińizge kody bar SMS jiberiledi, kelgen kodty engizińiz.
· Ári qarai, internet-bankingke kirý úshin parol oilap taýyp, engizińiz. Mobildi qosymshaǵa jyldam kirý úshin 4 sannan turatyn passkodty oilap taýyp, engizińiz.
· Birjolǵy zeinetaqy tólemi aýdarylatyn arnaiy aǵymdaǵy shot ashyldy!
«Otbasy bank» klientteri úshin arnaiy shot onlain-platformada birjolǵy zeinetaqy tólemderin paidalaný týraly ótinish berý barysynda ashylady. Platforma birjolǵy zeinetaqy tólemderin paidalaný erejeleri bekitilgennen keiin iske qosylady.
Sondai-aq arnaiy shotty «Otbasy bank» AQ saityndaǵy beine qońyraý qyzmeti arqyly da ashýǵa bolady. Arnaiy shot ashý operatsiiasy dúisenbiden senbige deiin (qosa alǵanda) saǵat 9:00-den 21:00-ge deiin bolady.
«Búgin biz BJZQ salymshylaryna maqsattaryna bir qadam jaqyndap, arnaiy shotty onlain ashýdy usynamyz. Bul birjolǵy zeinetaqy tólemderin paidalanýǵa ótinish bergen kezde, turǵyndarymyzdyń ýaqytyn únemdeýge múmkindik beredi», - dedi banktiń basqarma tóraǵasy Lázzat Ibragimova.
Eske salsaq, 2 qańtarda QR Prezidenti Qasym-Jomart Toqaev zeinetaqy jinaǵynyń bir bóligin maqsatty paidalanýǵa qatysty zańǵa qol qoidy. Qazaqstandyqtardyń zeinetaqy jinaqtaryn paidalaný úshin jańartylǵan «jetkiliktilik shegi» jariialandy. Zeinetaqy jinaǵyn baspanaǵa jumsaýǵa arnalǵan onlain-platforma iske qosylady. Zeinetaqy jinaǵynan alýǵa bolatyn soma BJZQ saitynda avtomatty túrde kórsetiledi.
