Búgingi kúni enpf-otbasy.kz platformasynyń 43 744 qoldanýshysy óz ótinishteri boiynsha BJZQ-dan «Otbasy banktegi» arnaiy shottaryna jalpy kólemi 242 mlrd teńge qarajattyń túsýin tosyp otyr. 3 jeltoqsannyń ózinde, birjolǵy zeinetaqy tólemderin alýǵa niet bildirgen qazaqstandyqtardan 16 000 ótinish kelip tústi. Bul - jyl basynan beri BZT-in turǵyn úi jaǵdaiyn jaqsartý men emdelý maqsattaryna alý múmkindigi týyndaǵan ýaqyttan bastap, joldanǵan ótinishter kólemi boiynsha rekordtyq kórsetkish, dep habarlaidy «Otbasy bank» turǵyn úi qurylys jinaq banki» AQ-nyń baspasóz qyzmeti.
Qalypty kúnderi platforma arqyly 2 200 jýyq ótinish qabyldanady.
Qazaqstandyqtar turǵyn úidi tolyq satyp alý, EDB-degi jáne Otbasy bankindegi ipotekany ishinara tóleý maqsattaryn jii tańdaýda. Sondai-aq zeinetaqy qarajatynyń bir bóligin týysqandaryna aýdarý qyzmeti suranysqa ie.
Enpf-otbasy.kz platformasyna artqan suranysqa qaramastan, portal jumysy esh kidirissiz, shtattyq rejimde qyzmet etýde. Jeltoqsan aiynyń sońyna deiin onyń kómegimen ár jas boiynsha 2021 jylǵy belgilengen jetkiliktilik shegi kórsetkishteri boiynsha BZT-in qoldanýǵa bolady. Qordaǵy qarajat Otbasy bankindegi arnaiy aǵymdaǵy shotqa aýdarylǵannan keiin, olardy qoldanýǵa 45 jumys kúni beriledi. Osy ýaqyt aralyǵynda BZT qoldaný maqsatyn tańdap/rastap nemese ózgertip úlgerýge bolady.
BZT qazaqstandyqtar «Otbasy Bankindegi» zaem boiynsha qaryzyn tóleýge (ishinara nemese tolyq), ipotekalyq zaem boiynsha bereshegin óteýge, onyń ishinde islam bankiniń qarjylandyrýyn qosa alǵanda (ishinara nemese tolyq), ipotekaǵa júginbei, turǵyn úi satyp alýǵa (tolyq óteý), turǵyn úi qurylys jinaq júiesi boiynsha «Otbasy bankinen» ipotekalyq turǵyn úi zaemyn alýǵa, ipotekalyq zaem alý úshin bastapqy jarna tóleýge (onyń ishinde islam bankiniń qarjylandyrýy sheńberinde), satyp alý quqyǵymen jalǵa alý sharty boiynsha bereshegin óteýge, jeke turǵyn úi salýǵa (jer telimin satyp alýdy qosa alǵanda) jáne emdelý aqysyn tóleýge qoldanýǵa bolady.
2021 jyldyń 3 jeltoqsanyndaǵy málimetter boiynsha, bul múmkindikti 338 499 adam (jalpy kólemi 1,68 trln teńge) qoldanyp úlgerdi. Olardyń deni ipotekaǵa júginbei turǵyn úi alǵan (171 598 adam). Birjolǵy zeinetaqy tólemderin qoldaný boiynsha Nur-Sultan, Mańǵystaý oblysy men Almaty kósh bastap tur. Al Soltústik-Qazaqstan oblysynyń turǵyndary asa belsendilik tanytpaǵan.
BZT-in «Otbasy bankinde» ipotekalyq turǵyn úi zaemyn alý úshin bastapqy jarna retinde qazaqstandyqtardyń 83% ekinshi naryqtan turǵyn úi tańdasaǵan. Qalǵan 17% alǵashqy naryqtan turǵyn úi alýdy jón kórgen.
51 884 qazaqstandyq (jalpy kólemi 51,9 mlrd teńge) zeinetaqy qoryndaǵy qarajatynyń bir bóligin emdelýge jumsaǵan.
BZT qoldanǵan azamattarymyzdyń orta jasy – 41. Gender boiynsha 68% er kisiler.
338 499 qazaqstandyqtyń 40% ózderiniń turǵyn úi jaǵdailaryn týystary zeinetaqy qoryndaǵy jinaqtaryn tolyq nemese ishinara tabystaǵanynyń arqasynda jaqsarta alǵan.
Qazirgi ýaqytta Otbasy bank qyzmetkerleri «TQJ salymdaryn BZT esebinen tolyqtyrý» múmkindigin iske asyrý boiynsha jumys atqarýda. Atalmysh qyzmet memlekettik organdar Birjolǵy zeinetaqy tólemderin qoldaný erejelerine engizilgen ózgerister bekitilgen ýaqyttan bastap qoljetimdi bolady.
