2021 jylǵy 10 naýryzdaǵy jaǵdai boiynsha BJZQ-ǵa zeinetaqy jinaqtaryn zeinetaqy portfelin basqarýshyǵa (IPB) aýdarý boiynsha jalpy somasy 1,6 mlrd teńgeden asatyn 554 ótinish kelip tústi. Bul týraly "Ult aqparat" BJZQ silteme jasap habarlaidy.
Zeinetaqy jinaqtaryn IPB-ǵa aýdarýǵa ótinishterdiń 42% astamy Almaty qalasynyń turǵyndarynan kelip tústi. Olardyń orta eseppen 2,3 mln teńge aýdarǵysy keledi. Elorda turǵyndarynan aýdarymǵa ótinishterdiń shamamen 20% tústi jáne olar IPB-ǵa orta eseppen 2,6 mln teńgeni senip tapsyrýǵa daiyn. Berilgen ótinishterdiń sany boiynsha úshinshi orynda – Qaraǵandy oblysy (4,9%). Aýdarymnyń ortasha somasy 1,7 mln teńgeni quraidy.
554 ótinishtiń 451-i óńdelýde, bul rette 103 ótinishti qabyldaýdan jáne (nemese) oryndaýdan bas tartyldy. Bas tartýdyń negizgi sebepteri – ótinishte kórsetilgen suraý salynǵan soma aýdarýǵa qoljetimdi zeinetaqy jinaqtarynyń somasynan asyp túsedi; ótinishte kórsetilgen suraý salynǵan soma óńdeýge qabyldanǵan ótinishterdi eskere otyryp, aýdarym úshin qoljetimdi zeinetaqy jinaqtarynyń somasynan asyp túsedi; IPB-ǵa aýdarý quqyǵynyń bolmaýy jáne t. b
Zeinetaqy jinaqtaryn aýdarý úshin salymshy BJZQ-ǵa ótinish jasaýy qajet, ony enpf.kz saityndaǵy jeke kabinet arqyly nemese BJZQ-nyń kez kelgen óńirlik bólimshesine ózi kelgende berýge bolady.
Qazirgi ýaqytta BJZQ zeinetaqy aktivterin senimgerlikpen basqarýǵa qatysty tórt IPB-men shart jasasty. Olar týraly aqparatpen tanysyp, investitsiialyq deklaratsiialaryn zerdeleýdi enpf.kz saityndaǵy «Qyzmetter» - «Zeinetaqy jinaqtarynyń bir bóligin IPB-nyń senimgerlikpen basqarýyna aýdarý» bóliminde júzege asyrýǵa bolady.
10 naýryzdaǵy jaǵdai boiynsha zeinetaqy jinaqtaryn emdelýge paidalaný týraly 1798 ótinish berilgen. 1176 ótinish oryndalyp, ýákiletti operatorlarda ashylǵan salymshylardyń arnaiy shottaryna 1,2 mlrd teńgeden asa soma aýdaryldy. Qazaqstandyqtar emdelýge ortasha eseppen 1 mln teńge paidalanady. Ótinishterdiń basym bóligi Almaty qalasy (22,6%), Nur-Sultan qalasy (18,4%) jáne Qaraǵandy oblysynyń (7,5%) turǵyndarynan kelip tústi. Ózekti statistikamen «Kórsetkishter» - «Emdelýge arnalǵan birjolǵy zeinetaqy tólemderi» bóliminde tanysýǵa bolady.
2021 jylǵy 10 naýryzǵa ýákiletti operatorlardan («Otbasy banki» TQJB» AQ, «Qazaqstan Halyq Banki» AQ, sondai-aq «Bank TsentrKredit» AQ) turǵyn úi jaǵdailaryn jaqsartý maqsatynda birjolǵy zeinetaqy tólemderin júzege asyrýǵa 208 853 ótinish tústi.
Jalpy somasy 740,4 mlrd teńgeden asatyn 142 237 ótinish oryndaldy. Salymshylardyń arnaiy shottaryna túsken tólemderdiń ortasha somasy 5,2 mln teńgeden asady. Zeinetaqy jinaqtaryn turǵyn úige paidalaný týraly óńirler bólinisi boiynsha tolyq aqparat enpf.kz saityndaǵy «Kórsetkishter» - «Turǵyn úi jaǵdailaryn jaqsartýǵa jáne emdelýge arnalǵan birjolǵy zeinetaqy tólemderi» bóliminde usynylǵan. Qazaqstandyqtardyń birjolǵy zeinetaqy tólemderin qandai maqsatta paidalanatynyn enpf.kz saityndaǵy «Kórsetkishter» - «Turǵyn úi jaǵdailaryn jaqsartýǵa arnalǵan birjolǵy zeinetaqy tólemderiniń maqsattary boiynsha» bóliminen bilýge bolady.
