2021 جىلعى 10 ناۋرىزداعى جاعداي بويىنشا بجزق-عا زەينەتاقى جيناقتارىن زەينەتاقى پورتفەلٸن باسقارۋشىعا (يپب) اۋدارۋ بويىنشا جالپى سوماسى 1,6 ملرد تەڭگەدەن اساتىن 554 ٶتٸنٸش كەلٸپ تٷستٸ. بۇل تۋرالى "ۇلت اقپارات" بجزق سٸلتەمە جاساپ حابارلايدى.
زەينەتاقى جيناقتارىن يپب-عا اۋدارۋعا ٶتٸنٸشتەردٸڭ 42% استامى الماتى قالاسىنىڭ تۇرعىندارىنان كەلٸپ تٷستٸ. ولاردىڭ ورتا ەسەپپەن 2,3 ملن تەڭگە اۋدارعىسى كەلەدٸ. ەلوردا تۇرعىندارىنان اۋدارىمعا ٶتٸنٸشتەردٸڭ شامامەن 20% تٷستٸ جەنە ولار يپب-عا ورتا ەسەپپەن 2,6 ملن تەڭگەنٸ سەنٸپ تاپسىرۋعا دايىن. بەرٸلگەن ٶتٸنٸشتەردٸڭ سانى بويىنشا ٷشٸنشٸ ورىندا – قاراعاندى وبلىسى (4,9%). اۋدارىمنىڭ ورتاشا سوماسى 1,7 ملن تەڭگەنٸ قۇرايدى.
554 ٶتٸنٸشتٸڭ 451-ٸ ٶڭدەلۋدە, بۇل رەتتە 103 ٶتٸنٸشتٸ قابىلداۋدان جەنە (نەمەسە) ورىنداۋدان باس تارتىلدى. باس تارتۋدىڭ نەگٸزگٸ سەبەپتەرٸ – ٶتٸنٸشتە كٶرسەتٸلگەن سۇراۋ سالىنعان سوما اۋدارۋعا قولجەتٸمدٸ زەينەتاقى جيناقتارىنىڭ سوماسىنان اسىپ تٷسەدٸ; ٶتٸنٸشتە كٶرسەتٸلگەن سۇراۋ سالىنعان سوما ٶڭدەۋگە قابىلدانعان ٶتٸنٸشتەردٸ ەسكەرە وتىرىپ, اۋدارىم ٷشٸن قولجەتٸمدٸ زەينەتاقى جيناقتارىنىڭ سوماسىنان اسىپ تٷسەدٸ; يپب-عا اۋدارۋ قۇقىعىنىڭ بولماۋى جەنە ت. ب
زەينەتاقى جيناقتارىن اۋدارۋ ٷشٸن سالىمشى بجزق-عا ٶتٸنٸش جاساۋى قاجەت, ونى enpf.kz سايتىنداعى جەكە كابينەت ارقىلى نەمەسە بجزق-نىڭ كەز كەلگەن ٶڭٸرلٸك بٶلٸمشەسٸنە ٶزٸ كەلگەندە بەرۋگە بولادى.
قازٸرگٸ ۋاقىتتا بجزق زەينەتاقى اكتيۆتەرٸن سەنٸمگەرلٸكپەن باسقارۋعا قاتىستى تٶرت يپب-مەن شارت جاساستى. ولار تۋرالى اقپاراتپەن تانىسىپ, ينۆەستيتسييالىق دەكلاراتسييالارىن زەردەلەۋدٸ enpf.kz سايتىنداعى «قىزمەتتەر» - «زەينەتاقى جيناقتارىنىڭ بٸر بٶلٸگٸن يپب-نىڭ سەنٸمگەرلٸكپەن باسقارۋىنا اۋدارۋ» بٶلٸمٸندە جٷزەگە اسىرۋعا بولادى.
10 ناۋرىزداعى جاعداي بويىنشا زەينەتاقى جيناقتارىن ەمدەلۋگە پايدالانۋ تۋرالى 1798 ٶتٸنٸش بەرٸلگەن. 1176 ٶتٸنٸش ورىندالىپ, ۋەكٸلەتتٸ وپەراتورلاردا اشىلعان سالىمشىلاردىڭ ارنايى شوتتارىنا 1,2 ملرد تەڭگەدەن اسا سوما اۋدارىلدى. قازاقستاندىقتار ەمدەلۋگە ورتاشا ەسەپپەن 1 ملن تەڭگە پايدالانادى. ٶتٸنٸشتەردٸڭ باسىم بٶلٸگٸ الماتى قالاسى (22,6%), نۇر-سۇلتان قالاسى (18,4%) جەنە قاراعاندى وبلىسىنىڭ (7,5%) تۇرعىندارىنان كەلٸپ تٷستٸ. ٶزەكتٸ ستاتيستيكامەن «كٶرسەتكٸشتەر» - «ەمدەلۋگە ارنالعان بٸرجولعى زەينەتاقى تٶلەمدەرٸ» بٶلٸمٸندە تانىسۋعا بولادى.
2021 جىلعى 10 ناۋرىزعا ۋەكٸلەتتٸ وپەراتورلاردان («وتباسى بانكٸ» تقجب» اق, «قازاقستان حالىق بانكٸ» اق, سونداي-اق «بانك تسەنتركرەديت» اق) تۇرعىن ٷي جاعدايلارىن جاقسارتۋ ماقساتىندا بٸرجولعى زەينەتاقى تٶلەمدەرٸن جٷزەگە اسىرۋعا 208 853 ٶتٸنٸش تٷستٸ.
جالپى سوماسى 740,4 ملرد تەڭگەدەن اساتىن 142 237 ٶتٸنٸش ورىندالدى. سالىمشىلاردىڭ ارنايى شوتتارىنا تٷسكەن تٶلەمدەردٸڭ ورتاشا سوماسى 5,2 ملن تەڭگەدەن اسادى. زەينەتاقى جيناقتارىن تۇرعىن ٷيگە پايدالانۋ تۋرالى ٶڭٸرلەر بٶلٸنٸسٸ بويىنشا تولىق اقپارات enpf.kz سايتىنداعى «كٶرسەتكٸشتەر» - «تۇرعىن ٷي جاعدايلارىن جاقسارتۋعا جەنە ەمدەلۋگە ارنالعان بٸرجولعى زەينەتاقى تٶلەمدەرٸ» بٶلٸمٸندە ۇسىنىلعان. قازاقستاندىقتاردىڭ بٸرجولعى زەينەتاقى تٶلەمدەرٸن قانداي ماقساتتا پايدالاناتىنىن enpf.kz سايتىنداعى «كٶرسەتكٸشتەر» - «تۇرعىن ٷي جاعدايلارىن جاقسارتۋعا ارنالعان بٸرجولعى زەينەتاقى تٶلەمدەرٸنٸڭ ماقساتتارى بويىنشا» بٶلٸمٸنەن بٸلۋگە بولادى.
