Banktiń basqarma tóraǵasynyń orynbasary Nurlan Aqshanov zeinetaqy jinaǵynyń artyq somasy esebinen Otbasy banktegi depozitti qalai toltyrý kerektigi, bul aqshany qaida jaratýǵa bolatyny týraly tolyǵyraq aityp berdi, dep jazady Sputnik Qazaqstan.
Biraz buryn habarlaǵandai, qazaqstandyqtar 2021 jyldyń 16 jeltoqsanynan bastap zeinetaqy jinaǵy esebinen turǵyn úi depozitterin toltyra alady.
"Jaqyn ýaqytta sizder birjolǵy zeinetaqy tólemderińizdi enpf-otbasy.kz onlain-platformasy arqyly Otbasy banktegi óz depozitterińizge aýdara alasyzdar. "Otbasy banktegi salymdy toltyrý" batyrmasy qashan jáne qalai paida bolatyny týraly qosymsha habarlaimyz. Ázirshe birjolǵy zeinetaqy tólemi esebinen toltyrylǵan depozitti qaida jumsaýǵa bolatyny jáne bolmaityny týraly aitamyz", - dedi Aqshanov Facebook paraqshasynda.
Zeinetaqy jinaǵyn Otbasy depozitine aýdarý: talaptary men erejeleri
Birjolǵy zeinetaqy tólemi bar depozitter úshin turǵyn úi-jinaq shoty júiesiniń standartty talaptary qoldanylady. Iaǵni, depozitterge jyldyq 2% kóleminde bank syiaqysy men 20% kóleminde memleket syiaqysy qosa esepteledi (200 AEK-ten aspaityn bir jyldaǵy jinaq somasyna).
Birjolǵy zeinetaqy tólemin paidalaný arqyly Otbasy banktegi depozit kómegimen 3 jyl ishinde baspana satyp alýǵa bolady. Eger osy merzim ishinde bank klientteri artyq jinaqty kádege jaratpasa, onda qarajat BJZQ-ǵa qaitarylady.
Depozitti jaýyp, aýdarylǵan zeinetaqy jinaǵyn sheship alýǵa bolmaidy. Shot jabylsa, qarajat BJZQ-ǵa qaitarylady.
Mundai salymdy óz týystaryna tapsyrǵan jaǵdaida, bank shotyndaǵy birjolǵy zeinetaqy tólemi BJZQ-ǵa qaitarylady.
Depozitti bólý kezinde tek óz jinaǵyn, bank syiaqysyn, eger depozit merzimi 3 jyldan assa, onda memleket syiaqysyn sheship alýǵa bolady. Al birjolǵy zeinetaqy tólemi BJZQ-ǵa qaitarylady.
Birjolǵy zeinetaqy tólemi esebinen toltyrylǵan salymdardy biriktirýge ruqsat berildi. Bul salymdar bir salymshyǵa tiesili bolsa nemese salymdardyń biri birjolǵy zeinetaqy tólemimen toltyrylǵan jáne salymdar biriktirilip jatqan salymshyǵa tiesili bolsa ǵana oryndalady.
Birjolǵy zeinetaqy tólemderimen toltyrylǵan salymdardy satýǵa tyiym salynady. Olardy úshinshi tulǵanyń depozit granty retinde qoldanýǵa da bolmaidy.
Birjolǵy zeinetaqy tólemderimen toltyrylǵan Otbasy bankindegi salymdar úshinshi tulǵalardyń talaptarynan qorǵalady.
Otbasy bankindegi depozitti qandai maqsatta qoldanýǵa bolady
Zeinetaqy júiesindegi artylǵan somasy bar Otbasy bankindegi depozitti myna maqsattarǵa paidalanýǵa bolady:
turǵyn úi satyp alýǵa, sonyń ishinde banktiń bir qaryz kelisimsharty aiasynda jóndeý jumystaryn júrgizýge "Otbasy bankinen" qaryz alý;
"Otbasy bankindegi" ipotekalyq turǵyn úi kreditin qaita qarjylandyrý;
jeke turǵyn úi qurylysy (sonyń ishinde nysanaly maqsatta jer telimin satyp alý - jeke turǵyn úi qurylysy nemese jeke qosalqy sharýashylyq).
Turǵyn úi jaǵdaiyn jaqsartý úshin birjolǵy zeinetaqy tólemderin qoldaný erejesi Otbasy bankindegi salymdardy toltyrý boiynsha jańa optsiiadan bólek, birjolǵy zeinetaqy tólemderiniń kómegimen jeke jer telimin satyp alý múmkindigin de qarastyrady.
Zeinetaqy jinaǵyn qoldaný merzimi
14 jeltoqsannan bastap birjolǵy zeinetaqy tólemderin paidalaný merzimine ózgerister engizildi. Endi bul merzim 45 jumys kúninen 20 jumys kúnine qysqardy.
Eger qazirgi ýaqytqa deiin www.enpf-otbasy.kz platformasyn paidalanýshylar basqa maqsatty tańdasa, onda dál osy platformada maqsatty ońai ózgertýge bolady.
Otbasy bankindegi depozitti qalai toltyrý kerek
16 jeltoqsanda www.enpf-otbasy.kz saitynda "Otbasy bankindegi saymdy toltyrý" batyrmasy paida bolady. Jańa optsiiany qoldaný úshin birneshe árekeetti oryndaý kerek.
Elektrondy tsifrlyq qoltańba arqyly www.enpf-otbasy.kz platformasyna kirý kerek.
Jeke kabinette eń aldymen qoldanystaǵy depozit pen arnaiy shottyń bar ekenin tekserý qajet.
Eger qoldanystaǵy depozit bar, al arnaiy shot joq bolsa, onda sol platformada ótinishke qol qoiý kerek bolady. Sonda júie avtomatty túrde shot ashady.
Eger qoldanystaǵy depozit bolmasa, onda ony aldyn ala Otbasy bankte ashý kerek.
Osy áreketter oryndalsa, www.enpf-otbasy.kz portalynda ótinim qurastyrylyp, BJZQ-ǵa jiberiledi.
BJZQ 5 jumys kúni ishinde ótinishti qarastyrady jáne birjolǵy zeinetaqy tólemderi Otbasy bankindegi arnaiy shotqa túsedi. Ol jaqtan qarajat depozitke aýdarylady.
