267 myńǵa jýyq azamat zeinetaqy jinaǵynyń bir bóligin merziminen buryn aldy. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy QazAqparat.
«Osy jylǵy 11 mamyrdaǵy jaǵdai boiynsha salymshylardyń zeinetaqy jinaqtaryn merziminen buryn alý boiynsha oryndalǵan ótinishteriniń sany 1,3 trln teńge somasyna 266,8 myń boldy. Bul rette zeinetaqy aýdarymdaryn ai saiynǵy alý kóleminiń tómendegeni baiqalady: aqpanda 643,4 mlrd teńge, naýryzda 302,1 mlrd teńge, sáýirde 283 mlrd teńge», - dedi Ulttyq bank tóraǵasy.
Onyń dereginshe, turǵyn úi máselesin sheshýge alynǵan jinaqtyń 99,4 paiyzy jiberildi.
Emdelýge 4,7 mlrd teńge paidalanyldy.
1 478 azamattyń 3,4 mlrd teńge somasyndaǵy zeinetaqy jinaǵy 4 basqarýshy kompaniiaǵa senimgerlik basqarýǵa berildi.
«Óńirler bóliginde Mańǵystaý oblysynyń, Almaty jáne Nur-Sultan qalalarynyń úlesine barlyq alynǵan jinaq kóleminiń 58,4 paiyzy tiesili», - dedi Erbolat Dosaev.
