Zeinetaqy men járdemaqyny infliatsiiaǵa sai indeksteý úshin qosymsha 111 mlrd. teńge bólinedi. Bul týraly QR Premer-Ministriniń orynbasary Eraly Toǵjanov Májilis depýtattarynyń aldynda málimdedi, dep habarlaidy QazAqparat.
«Halyqty áleýmettik qamsyzdandyrýǵa 4 trln. teńge qarastyrylǵan. Ol byltyrǵymen salystyrǵanda 230 mlrd. teńgege artyq. Keshe ǵana respýblikalyq biýdjettik komissiia Úkimetpen birge óte mańyzdy sheshim qabyldady. Infliatsiia dáliziniń 8-10% deńgeiinde ózgerýine bailanysty zeinetaqy men járdemaqy mólsherin taǵy 4 paiyz indeksteý kózdelip otyr. Sonyń jiyntyǵynda barlyq áleýmettik tólemder 2021 jylmen salystyrǵanda 9 paiyz, al yntymaqty zeinetaqy mólsheri 11 paiyz artady», - dedi Eraly Toǵjanov.
Aitýynsha, atalǵan áleýmettik tólemder Qazaqstan boiynsha 4,2 mln. adamdy qamtidy.
«Bul maqsatqa naqtylanǵan biýdjet aiasynda qosymsha 111 mlrd. teńge qarastyryldy», - dedi Úkimet basshysynyń orynbasary.
