Qazaqstandyqtar zeinetaqynyń bir bóligin shipajaidaǵy emge paidalana ala ma? Tilshilerdiń bul suraǵyna Ortalyq kommýnikatsiialar alańynda ótken baspasóz máslihatynda «Otbasy bank» AQ tóraǵasy Lázzat Ibragimova jaýap berdi, dep habarlaidy "Ult aqparat".
«Erejeler qazir Ádilet ministrliginde bekitilgeli jatyr. Meniń bilýimshe, bul másele sońǵy satyda tur. Bizdiń sońǵy baspasóz máslihatynda aitqanymyzdy estigenin naqty bilemin. Segizinshi maqsat ta paida boldy. Ol - qosymsha reprodýktivti kómekshi tehnologiialar. Qazir EKO jasatýǵa bolady. Bul erejeniń sońǵy qujatta paida bolǵanyn naqty bilemin» - dep túsindirdi bank basshysy.
Lázzat Ibragimova shipajaidaǵy em týraly sheshim áli qaralyp jatqanyn jetkizdi
«Bul baǵytta mende naqty aqparat joq. Birdeńe dep, salymshylardy shatastyrǵym kelmeidi. Ol erejelerde baspanany alýdan bólek basqa da biznes protsester qoljetimdi bolady», - dedi Lázzat Ibragimova.
Eske salsaq, 2021 jyly 2 qańtarda QR Prezidenti Qasym-Jomart Toqaev zeinetaqy jinaǵynyń bir bóligin maqsatty paidalanýǵa qatysty zańǵa qol qoidy.
Qazaqstandyqtardyń zeinetaqy jinaqtaryn paidalaný úshin jańartylǵan «jetkiliktilik shegi» jariialandy. Zeinetaqy jinaǵynan alýǵa bolatyn soma BJZQ saitynda avtomatty túrde kórsetiledi.
23 qańtardan Qazaqstanda zeinetaqynyń bir bóligin alýǵa ótinim qabyldaý bastaldy. Arnaiy portalda zeinetaqynyń bir bóligin alýǵa ótinim qabyldaý bastalǵaly úsh saǵattyń ishinde 4 myńnan astam adam ótinish berdi. Zeinetaqy qarjysyn emdelý úshin alý erejeleri jaqynda jariialanady.
